NZ vs PAK : సొంతగడ్డపై పాకిస్థాన్తో జరుగుతున్న పొట్టి సిరీస్లో న్యూజిలాండ్(Newzealand బోణీ కొట్టింది. ఆక్లాండ్లో జరిగిన తొలి టీ20లో 46 పరుగుల తేడాతో గెలుపొందింది. తొలుత ఆల్రౌండర్ డారిల్ మిచెల్ (61 : 27 బంతుల్లో 4 ఫోర్లు, 4 సిక్సర్లు ) ఊచకోతకు కెప్టెన్ కేన్ విలియమ్సన్(57 : 42 బంతుల్లో 9 ఫోర్లు) హాఫ్ సెంచరీ తోడవ్వడంతో కివీస్ 8 వికెట్ల నష్టానికి 226 పరుగులు చేసింది.
భారీ లక్ష్య ఛేదనలో పాక్ బ్యాటర్లు చేతులెత్తేయగా.. మాజీ కెప్టెన్ బాబర్ ఆజాం(57) ఒంటరి పోరాటం చేశాడు. అయితే.. సౌథీ 18వ ఓవర్లో అబ్బాస్ అఫ్రిది(1), హ్యారిస్ రౌఫ్(0)లను ఔట్ చేయడంతో పాక్ ఇన్నింగ్స్ ముగిసింది. కివీస్ బౌలర్లలో టిమ్ సౌథీ నాలుగు, బెన్ సియర్స్ రెండు వికెట్లు పడగొట్టారు.
Daryl Mitchell brings up his sixth T20 international half-century inside the 16th over. Follow play LIVE and free in NZ on TVNZ 1 and TVNZ+ 📺 or @SENZ_Radio
📻 LIVE scoring | https://t.co/zy0e6BRl5l #NZvPAK #CricketNation pic.twitter.com/RL3agb4N65— BLACKCAPS (@BLACKCAPS) January 12, 2024
తొలి టీ20లో టాస్ గెలిచిన పాక్ కెప్టెన్ షాహీన్ ఆఫ్రిది బౌలింగ్ తీసుకున్నాడు. తొలి ఓవర్లోనే డెవాన్ కాన్వే(0)ను వెనక్కి పంపిన ఆఫ్రిది ఆ తర్వాత తేలిపోయాడు. డారిల్ మిచెల్ (61), విలియమ్సన్(57) ధాటికి భారీగా పరుగులు సమర్పించుకున్నాడు. వీళ్లిద్దరూ అర్థ శతకాలతో విరుచుకుపడడంతో పాక్ బౌలర్లు నీరుగారిపోయారు.
Dropped catches, excellent catches, great bowling, bad bowling, a run out, a no-ball wicket, some terrific knocks
This game had it all, and it’s New Zealand who win to take a 1-0 lead 👏 https://t.co/amBArS6Az5 | #NZvPAK pic.twitter.com/gkiMAQqrcM
— ESPNcricinfo (@ESPNcricinfo) January 12, 2024
చివర్లో గ్లెన్ ఫిలిఫ్స్(19), మార్క్ చాప్మన్(26) ధనాధన్ ఆడి బ్లాక్క్యాప్స్ స్కోర్ 200 దాటించారు. భారీ ఛేదనలో పాక్ ఓపెనర్లు సయీం ఆయూబ్(27), వైస్ కెప్టెన్ రిజ్వాన్(28) శుభారంభం ఇచ్చినా మిడిలార్డర్ విఫలమైంది. ఫఖర్ జమాన్(15), ఇఫ్తికార్ అహ్మద్(24), అజమ్ ఖాన్(10)లు స్వల్ప స్కోర్కే ఔటవ్వడం పాక్ విజయావకాశాల్ని దెబ్బతీసింది. ఒకవైపు వికెట్లు పడుతున్నా.. బాబర్ ఒంటరి పోరాటంతో ఓటమి అంతరాన్ని తగ్గించాడు. ఇరుజట్ల మధ్య హామిల్టన్లో జనవరి 14న రెండో టీ20 మ్యాచ్ జరుగనుంది.