Under-19 World Cup | 13 బంతుల్లోనే ఫిఫ్టీ.. పంత్ రికార్డు బ్రేక్ చేసిన స‌ఫారీ ఓపెన‌ర్

Under-19 World Cup : సొంత‌గ‌డ్డ‌పై జ‌రుగుతున్న అండ‌ర్ -19 వ‌రల్డ్ క‌ప్‌(Under-19 World Cup)లో ద‌క్షిణాఫ్రికా యువ ఓపెన‌ర్ స్టీవ్ స్టోల్క్(Steve Stolk) సంచ‌ల‌నం సృష్టించాడు. టోర్నీ చ‌రిత్ర‌లోనే వేగ‌వంత‌మైన హాఫ్ సెంచ‌రీ...

January 28, 2024 / 09:49 AM IST

Under-19 World Cup | 13 బంతుల్లోనే ఫిఫ్టీ.. పంత్ రికార్డు బ్రేక్ చేసిన స‌ఫారీ ఓపెన‌ర్

Under-19 World Cup : సొంత‌గ‌డ్డ‌పై జ‌రుగుతున్న అండ‌ర్ -19 వ‌రల్డ్ క‌ప్‌(Under-19 World Cup)లో ద‌క్షిణాఫ్రికా యువ ఓపెన‌ర్ స్టీవ్ స్టోల్క్(Steve Stolk) సంచ‌ల‌నం సృష్టించాడు. టోర్నీ చ‌రిత్ర‌లోనే వేగ‌వంత‌మైన హాఫ్ సెంచ‌రీ బాదాడు. శ‌నివారం స్కాట్లాండ్‌తో జ‌రిగిన మ్యాచ్‌లో సుడిగాలి ఇన్నింగ్స్ ఆడిన 17 ఏండ్ల స్టీవ్ కేవ‌లం 13 బంతుల్లోనే ఫిఫ్టీకి చేరువ‌య్యాడు.

దాంతో టీమిండియా వికెట్ కీప‌ర్ రిష‌భ్ పంత్(Rishabh Pant) రికార్డును స్టీవ్ బద్ధ‌లు కొట్టాడు. 2016లో జ‌రిగిన అండ‌ర్ 19 ప్ర‌పంచ‌క‌ప్‌లో నేపాల్‌పై పంత్ 18 బంతుల్లోనే అర్ధ శ‌త‌కం సాధించాడు. అండ‌ర్ 19 వ‌ర‌ల్డ్ క‌ప్‌లోదాంతో ఏండ్ల క్రితం పంత్ నెల‌కొల్పిన రికార్డు బ్రేక్ చేశాడు.

South Africa opener Steve Stolk has slammed a 13-ball fifty against Scotland at the #U19WorldCup – including 34 off a single over 🔥

LIVE: https://t.co/IElta9EPhH pic.twitter.com/aRx48Iko3f

— ESPNcricinfo (@ESPNcricinfo) January 27, 2024

అండ‌ర్ 19 వ‌ర‌ల్డ్ క‌ప్ గ్రూప్ బిలో భాగంగా శ‌నివారం స్కాట్లాండ్‌, ద‌క్షిణాఫ్రికా త‌ల‌ప‌డ్డాయి. తొలుత ఆడిన స్కాట్లాండ్‌కు ఓపెన‌ర్ జ‌మీ డంక్‌(90), కెప్టెన్ ఓవెన్ గౌల్డ్(97) హాఫ్ సెంచ‌రీలతో భారీ స్కోర్ అందించారు. దాంతో, ఆ జ‌ట్టు నిర్ణీత ఓవ‌ర్ల‌లో 9 వికెట్ల న‌ష్టానికి 269 ర‌న్స్ కొట్టింది.

A run-rate over 10 in a chase of 270 🔥

Hosts 🇿🇦 top their group after a smashing win over Scotland 👏https://t.co/Fbpp5zOqva #SAvSCO #U19WorldCup pic.twitter.com/ufL6HBBoNA

— ESPNcricinfo (@ESPNcricinfo) January 27, 2024

భారీ ఛేద‌న‌లో స‌ఫారీ ఓపెన‌ర్లు ధ‌నాధ‌న్ ఆడారు. స్టీవ్ స్టోక్‌(86 : 37 బంతుల్లో 7 ఫోర్లు, 8 సిక్స‌ర్లు)తో వీర‌విహారం చేశాడు. ఆ త‌ర్వాత వ‌చ్చిన డెవాన్ మ‌రైస్(80), డేవిడ్ టీగ‌ర్(43) దంచికొట్ట‌డంతో 27 ఓవ‌ర్లోల‌నే ద‌క్షిణాఫ్రికా మ్యాచ్‌ను ముగించింది.