South Afirca Cricketer | ఒక్క మ్యాచ్ ఆడకున్నా టెస్టు కెప్టెన్సీ.. ల‌క్కీ చాన్స్‌కు కార‌ణ‌మ‌దేనా..?

South Afirca Cricketer : జాతీయ జ‌ట్టులో చోటు ద‌క్కితే చాలు ప్రపంచాన్ని జ‌యించినంతగా సంబుర‌ప‌డిపోతారు ఎవ‌రైనా. అలాంటిది ఒక్క మ్యాచ్ ఆడ‌కున్నా ఏకంగా కెప్టెన్‌గా ఎంపికైతే ఆ క్రికెట‌ర్ సంతోషానికి హ‌ద్దులు ఉంటాయా. అదృష్టం కెప్టెన్సీ రూపంలో రావ‌డంతో ద‌క్షిణాఫ్రికా(South Afirca) ఆట‌గాడు...

December 30, 2023 / 07:52 PM IST

South Afirca Cricketer | ఒక్క మ్యాచ్ ఆడకున్నా టెస్టు కెప్టెన్సీ.. ల‌క్కీ చాన్స్‌కు కార‌ణ‌మ‌దేనా..?

South Afirca Cricketer : జాతీయ జ‌ట్టులో చోటు ద‌క్కితే చాలు ప్రపంచాన్ని జ‌యించినంతగా సంబుర‌ప‌డిపోతారు ఎవ‌రైనా. అలాంటిది ఒక్క మ్యాచ్ ఆడ‌కున్నా ఏకంగా కెప్టెన్‌గా ఎంపికైతే ఆ క్రికెట‌ర్ సంతోషానికి హ‌ద్దులు ఉంటాయా. అదృష్టం కెప్టెన్సీ రూపంలో రావ‌డంతో ద‌క్షిణాఫ్రికా(South Afirca) ఆట‌గాడు నీల్ బ్రాండ్(Neil Brand) ఇప్పుడు ప‌ట్ట‌లేనంత ఆనందంతో ఉబ్బిత‌బ్బిబ్బ‌వుతున్నాడు.

అవును.. ఈ డాషింగ్ బ్యాట‌ర్ త్వ‌ర‌లోనే న్యూజిలాండ్ ప‌ర్య‌ట‌న‌లో సార‌థిగా ప‌గ్గాలు చేప‌ట్ట‌నున్నాడు. ద‌క్షిణాఫ్రికా సెలెక్ట‌ర్లు కివీస్ టూర్ కోసం 14 మందితో కూడిన స్క్వాడ్‌ను ప్ర‌క‌టించారు. ఈ సిరీస్‌తో బ్రాండ్‌తో పాటు మ‌రో ఆరుగురు యువ కెర‌టాలు సుదీర్ఘ ఫార్మాట్‌లో అరంగేట్రం చేయ‌నున్నారు.

🟢 SQUAD ANNOUNCEMENT 🟡

CSA has today announced a 14-player squad for the Proteas two-match Test tour of New Zealand next month🇿🇦🇳🇿#WozaNawe #BePartOfIt #SAvIND pic.twitter.com/pLBxCrNvJF

— Proteas Men (@ProteasMenCSA) December 30, 2023

ద‌క్షిణాఫ్రికా స్క్వాడ్ : నీల్ బ్రాండ్(కెప్టెన్), డేవిడ్ బెడింగ‌మ్, రువాన్ డె స్వార్డ్ట్‌, క్లిడె ఫార్ట్యూన్, జుబాయిర్ హంజా, త్స‌పో మొరెకి, మిహ్లాలి పొంగ్వానా, డుయ‌న్నె ఒలివ‌ర్, డానే పీట‌ర్స‌న్, కీగ‌న్ పీట‌ర్స‌న్, డేన్ పీఎడ్ట్‌, ర‌య్‌నార్డ్ వాన్ టొండ‌ర్, షాన్ వాన్ బెర్గ్, ఖ‌యా జొండొ.

సీనియ‌ర్లు ఎయిడెన్ మ‌ర్క్‌ర‌మ్, తెంబ బ‌వుమా, డ‌స్సెన్‌ల‌ను కాద‌ని బ్రాండ్‌ను సార‌థిగా ఎంపిక‌చేయ‌డానికి కార‌ణం ఉంది. న్యూజిలాండ్‌తో టెస్టు సిరీస్ స‌మ‌యంలోనే స్వ‌దేశంలో ద‌క్షిణాఫ్రికా టీ20 లీగ్(SA T20 League) రెండో సీజ‌న్ షురూ కానుంది. దాంతో ఈ టోర్నీ కోస‌మ‌ని సెలెక్ట‌ర్లు సీనియ‌ర్ల‌ను కాద‌ని యువ‌కుల‌తో నిండిన స్క్వాడ్‌ను సెలెక్ట్ చేయాల్సి వ‌చ్చింది. వ‌చ్చే ఏడాది జ‌న‌వ‌రి ఆఖ‌ర్లో రెండు టెస్టుల సిరీస్ కోసం ద‌క్షిణాఫ్రికా బృందం న్యూజిలాండ్‌కు వెళ్ల‌నుంది. ఇరుజ‌ట్ల మ‌ధ్య‌ ఫిబ్ర‌వ‌రి 4న తొలి టెస్టు జ‌రుగునుంది.