Naveen Patnaik | కాంతాబంజీ స్థానానికి నామినేషన్‌ వేసిన ఒడిశా సీఎం నవీన్‌ పట్నాయక్‌

Naveen Patnaik | బిజు జనతాదళ్‌ చీఫ్ (BJD)‌, ఒడిశా ముఖ్యమంత్రి నవీన్‌ పట్నాయక్‌ (Naveen Patnaik) బోలంగీర్‌ జిల్లాలోని కాంతాబంజీ (Kantabanji) అసెంబ్లీ నియోజకవర్గ స్థానానికి గురువారం నామినేషన్‌ దాఖలు చేశారు (files his nomination).

Naveen Patnaik | బిజు జనతాదళ్‌ చీఫ్ (BJD)‌, ఒడిశా ముఖ్యమంత్రి నవీన్‌ పట్నాయక్‌ (Naveen Patnaik) బోలంగీర్‌ జిల్లాలోని కాంతాబంజీ (Kantabanji) అసెంబ్లీ నియోజకవర్గ స్థానానికి గురువారం నామినేషన్‌ దాఖలు చేశారు (files his nomination). సబ్‌ కలెక్టర్‌ ఆఫీస్‌లో నామినేషన్‌ పత్రాలను సమర్పించారు. నామినేష‌న్ కార్యక్రమంలో సీఎం వెంట ప‌లువురు సీనియ‌ర్ నేత‌లు ఉన్నారు.

కాగా, నవీన్‌ పట్నాయక్‌ మొత్తం రెండు అసెంబ్లీ స్థానాల నుంచి బరిలోకి దిగిన విషయం తెలిసిందే. ప్రస్తుతం తాను ప్రాతినిథ్యం వహిస్తున్న గంజాం జిల్లాలోని హింజిలీ (Hinjili) స్థానంతోపాటు బోలంగీర్‌ జిల్లాలోని కాంతాబంజీ (Kantabanji) నియోజకవర్గం నుంచి పోటీకి సిద్ధమయ్యారు. ఇందులో భాగంగా గత నెల 29వ తేదీన హింజిలీ స్థానానికి నామినేషన్‌ కూడా వేశారు. తాజాగా కాంతాబంజీ అసెంబ్లీ స్థానానికి నామినేషన్‌ పత్రాలు సమర్పించారు.

#WATCH | Balangir: Odisha CM and BJD president Naveen Patnaik files his nomination papers from the Kantabanji Assembly seat

CM Patnaik is contesting the Assembly elections from Kantabanji and Hinjili Assembly seats.

The Assembly elections will be held in Odisha in four phases… pic.twitter.com/8bjVUxFkpu

— ANI (@ANI) May 2, 2024

2019లో కూడా నవీన్‌ పట్నాయక్‌ రెండు అసెంబ్లీ నియోజకవర్గాల నుంచి పోటీ చేశారు. హింజిలీతోపాటూ బిజేపూర్‌ అసెంబ్లీ సెగ్మెంట్‌లో పోటీ చేయగా.. రెండు స్థానాల్లోనూ గెలుపొందారు. అయితే, ఆ తర్వాత బిజేపూర్‌ స్థానానికి రాజీనామా చేసి హింజిలీ స్థానం నుంచే అసెంబ్లీకి ప్రాతినిథ్యం వహిస్తున్నారు.

కాగా, లోక్‌సభ ఎన్నికలతోపాటు ఒడిశా అసెంబ్లీ ఎన్నికలు కూడా జరగనున్న విషయం తెలిసిందే. ఒడిశాలో మొత్తం 147 అసెంబ్లీ నియోజకవర్గాలు ఉన్న విషయం తెలిసిందే. ఒడిశా అసెంబ్లీకి నాలుగు దశల్లో ఓటింగ్‌ జరగనుంది. మే 13, మే 20, మే 25, జూన్‌ 1వ తేదీల్లో ఓటర్లు తమ ఓటు హక్కు వినియోగించుకోనున్నారు. జూన్ 4న కౌటింగ్‌ నిర్వహించి అదే రోజు ఫలితాలు వెలువడనున్నాయి. ఇక ఒడిషాలో ప్రధానంగా బీజేపీ, బీజేడీ మ‌ధ్య పోటీ నెల‌కొనగా కొన్ని ప్రాంతాల్లో కాంగ్రెస్ పార్టీ కొంత‌మేర ప్రభావం చూపే అవ‌కాశం ఉంద‌ని భావిస్తున్నారు.

Also Read..

Amitabh Bachchan | టీ20 వరల్డ్‌ కప్‌ భారత జట్టుకు అమితాబ్‌ స్పెషల్‌ మెసేజ్‌.. ఇది మహా యుద్ధం అంటూ..

Uma Ramanan | చిత్ర పరిశ్రమలో విషాదం.. ప్రముఖ గాయని మృతి

Brij Bhushan | బ్రిజ్‌ భూషణ్‌కు బీజేపీ షాక్‌.. కైసర్‌గంజ్‌ నుంచి ఆయన కుమారుడికి అవకాశం..!