Maya Tata | టాటాల వారసురాలు.. వ్యాపార రంగంలో మహిళల సత్తా చాటుతుందా?

మాయా టాటా... వ్యాపార రంగ దిగ్గజం రతన్‌ టాటా సోదరుడి కూతురు. టాటాల వ్యాపార వారసత్వాన్ని ముందుకు తీసుకుపోయే వారిలో ఆమెనూ ఒకరిగా పరిగణిస్తున్నారు. 34 ఏండ్ల మాయా టాటా తల్లిదండ్రులు అలూ మిస్త్రీ, నోయెల్‌ టాటా. యునైటెడ్‌ కింగ్‌డమ్‌లోని బేయర్స్‌ బిజినెస్‌ స్కూల్‌, యూనివర్సిటీ ఆఫ్‌ వార్విక్‌లో మాయ ఉన్నత విద్య అభ్యసించారు.

Maya Tata | మాయా టాటా… వ్యాపార రంగ దిగ్గజం రతన్‌ టాటా సోదరుడి కూతురు. టాటాల వ్యాపార వారసత్వాన్ని ముందుకు తీసుకుపోయే వారిలో ఆమెనూ ఒకరిగా పరిగణిస్తున్నారు. 34 ఏండ్ల మాయా టాటా తల్లిదండ్రులు అలూ మిస్త్రీ, నోయెల్‌ టాటా. యునైటెడ్‌ కింగ్‌డమ్‌లోని బేయర్స్‌ బిజినెస్‌ స్కూల్‌, యూనివర్సిటీ ఆఫ్‌ వార్విక్‌లో మాయ ఉన్నత విద్య అభ్యసించారు. ఇక ఆమె తల్లి అలూ మిస్త్రీ టాటా గ్రూప్‌ మాజీ చైర్మన్‌ సైరస్‌ మిస్త్రీ తోబుట్టువు. అలా తల్లివైపు నుంచి కూడా మాయకు ఘనమైన వ్యాపార వారసత్వమే ఉందన్నమాట. నోయెల్‌ టాటానేమో రతన్‌ టాటాకు సవతి సోదరుడు. వృత్తిపరంగా మాయ ప్రయాణం టాటా ఆపర్చునిటీస్‌ ఫండ్‌లో మొదలైంది.

తర్వాత టాటా డిజిటల్‌కు మారారు. ఈ క్రమంలో టాటా న్యూ యాప్‌ రూపకల్పనలో ఆమె కీలకపాత్ర పోషించారు. ఇప్పుడు టాటా మెడికల్‌ సెంటర్‌ ట్రస్ట్‌ బోర్డులో సభ్యురాలిగా ఉన్నారు. ఇందులో భాగంగా 2011లో రతన్‌ టాటా కోల్‌కతాలో ప్రారంభించిన క్యాన్సర్‌ హాస్పిటల్‌ను ఆమె పర్యవేక్షిస్తున్నారు. టాటాల వారసురాలిగా మాయ వ్యాపార రంగంలో భారతీయ మహిళల సత్తా ప్రపంచానికి చాటుతారని కోరుకుందాం.