Mohammad Siraj : వన్డే వరల్డ్ కప్లో బెస్ట్ ఫీల్డర్ మెడల్ అవార్డు(Best Fielder Medal)తో జట్టులో ఉత్సాహాన్ని నింపిన భారత మేనేజ్మెంట్ అదే సంప్రాదాయాన్ని కొనసాగిస్తోంది. దక్షిణాఫ్రికా పర్యటనలో ఆ అవార్డును ‘ఇంప్యాక్ట్ ఫీల్డర్'(Impact Fielder) మెడల్ పేరుతో అందిస్తోంది. ఈసారి భారత స్టార్ పేసర్ మహ్మద్ సిరాజ్(Mohammad Shami) ఈ అవార్డు గెలుచుకున్నాడు. దక్షిణాఫ్రికాతో మూడో టీ20 మ్యాచ్ అనంతరం ఇంప్యాక్ట్ ప్లేయర్ మెడల్ అందుకున్న ఈ స్పీడ్ష్టర్ ఒక్కసారిగా భావోద్వేగానికి లోనయ్యాడు.
‘వరల్డ్ కప్ నుంచి ఈ అవార్డు కోసం ఎదురుచూశానని, ఎట్టకేలకు ఈ అవార్డును సొంతం చేసుకున్నా. ఈరోజుతో నేను నేర్చుకున్న పాఠం ఏంటంటే..? ఎప్పుడు కూడా నమ్మకం కోల్పోవద్దు’ అని సిరాజ్ తెలిపాడు. అతడి మెడల్ గెలుచుకున్న వీడియోను బీసీసీఐ విడుదల చేసింది.
The much loved Fielding Medal 🥇 ceremony is 🔙 in a new avatar 👌
Introducing – The ‘Impact Fielder of the T20I Series’ 🙌 💪#TeamIndia | #SAvIND
— BCCI (@BCCI) December 15, 2023
సిరీస్ డిసైడర్ అయిన మూడో టీ20 మ్యాచ్లో సిరాజ్ అద్భుత ఫీల్డింగ్తో ఆకట్టుకున్నాడు. ప్రమాదకరమైన రీజా హెండ్రిక్స్(8) ను ఈ స్పీడ్స్టర్ మెరుపు ఫీల్డింగ్తో రనౌట్ చేశాడు. దాంతో, సఫారీ జట్టు రెండో వికెట్ కోల్పోయింది. ఈ మ్యాచ్లో టీమిండియా నిర్దేశించిన 201 పరుగలు ఛేదనలో దక్షిణాఫ్రికాను కుల్దీప్ యాదవ్ దెబ్బకొట్టాడు. ఈ చైనామన్ స్పిన్నర్ ఐదు వికెట్లు పడగొట్టడంతో మర్క్రమ్ సేన 95 పరుగులకే కుప్పకూలింది. 106 రన్స్ తేడాతో గెలిచిన భారత్ సిరీస్ను సమం చేసింది.