Sarfaraz Khan : దక్షిణాఫ్రికా పర్యటనలో అదరగొడుతున్న భారత జట్టు టెస్టు సిరీస్కు సన్నద్ధమవుతోంది. సఫారీ గడ్డపై తొలి టెస్టు సిరీస్ విజయం కోసం భారీగా కసరత్తులు చేస్తోంది. అయితే.. ఓపెనర్ రుతురాజ్ గైక్వాడ్(Ruturaj Gaikwad) గాయం కారణంగా సిరీస్ నుంచి వైదొలగడంతో రంజీ హీరో సర్ఫరాజ్ ఖాన్(Sarfaraz Khan)కు చోటు దక్కుతుందా? లేదా? అనేది ప్రశ్నార్థకంగా మారింది. ఈ నేపథ్యంలో దక్షిణాఫ్రికా, భారత్ ఏ జట్ల మధ్య జరిగిన ఇంట్రా స్క్వాడ్ మ్యాచ్లో రంజీ హీరో సర్ఫరాజ్ ఖాన్ విధ్వంసక సెంచరీ బాదాడు.
స్టార్ ఆల్రౌండర్ రవీంద్ర జడేజా, హర్షిత్ రానా బౌలింగ్ను దీటుగా ఎదుర్కొన్న సర్ఫరాజ్ కేవలం 61 బంతుల్లోనే మూడంకెల స్కోర్ అందుకున్నాడు. తన క్లాస్ ఇన్నింగ్స్తో అతడు సెలెక్టర్లకు సవాల్ విసిరాడు. ఈ శతకంతో రుతురాజ్ స్థానంలో తనను ఎంపిక చేయాల్సిన అవసరం ఉందనే విషయాన్ని సర్ఫరాజ్ చెప్పకనే చెప్పాడు. దక్షిణాఫ్రికా, భారత్ మధ్య రెండు టెస్టుల సిరీస్ డిసెంబర్ 26న షురూ కానుంది.
[Watch] Sarfaraz Khan Slams 61-Ball Century Against Rohit Sharma & Virat Kohli Ahead Of SA Tests.
boasting an impressive average of approximately 92 in the 2022-23 Ranji Trophy, he has amassed 3657 runs at an average of 71.70 in 41 first-class matches for India.
Indian cricket… pic.twitter.com/A7rWrfpTTm— alphabetagama (@alphabetagama20) December 22, 2023
రంజీల్లో మొనగాడైన సర్ఫరాజ్ 2022-23 సీజన్లో అద్భుతంగా రాణించాడు. 41 మ్యాచుల్లో రికార్డు స్థాయిలో 71.70 సగటుతో 3,657 పరుగులు సాధించాడు. అయినా కూడా సెలెక్టర్లు అతడిపై కనికరం చూపడం లేదు. ఈ ఏడాది ఆరంభంలో ఆస్ట్రేలియాతో జరిగిన బోర్డర్ గవాస్కర్ ట్రోఫీ(Border – Gavaskar Trophy)కి సర్ఫరాజ్ను ఎంపిక చేయలేదు. రంజీ అనుభవం ఏమంత లేని ఇషాన్ కిషన్, సూర్యకుమార్ యాదవ్లను తీసుకోవడం అప్పట్లో పెద్ద దుమారమే రేపింది.
సర్ఫరాజ్ ఖాన్
దేశవాళీలో పరుగుల వీరుడిగా గుర్తింపు పొందిన సర్ఫరాజ్ ఐపీఎల్లో మాత్రం ఫ్లాప్ అయ్యాడు. 16వ సీజన్(IPL 2023)లో ఢిల్లీ క్యాపిటల్స్(Delhi Capitals,) తరఫున ఆడిన ఈ డాషింగ్ బ్యాటర్ తీవ్రంగా నిరాశపరిచాడు. 4 మ్యాచుల్లో 53 పరుగులతో విమర్శలపాలయ్యాడు. దాంతో, 17వ సీజన్ వేలానికి ముందే ఢిల్లీ సర్ఫరాజ్ను వదిలించుకుంది. టీ20 ఫార్మాట్లో తేలిపోతున్న ఈ ముంబై క్రికెటర్ను ఏ ఫ్రాంచైజీ కొనేందుకు ముందుకు రాలేదు.