Pat Cummins : ఐసీసీ ఫైనల్స్లో ఓటమన్నదే ఎరుగని ఆస్ట్రేలియా(Australia) వన్డే వరల్డ్ కప్ ఫైనల్లో తన మార్క్ చూపించింది. ఫేవరేట్ టీమిండియా(Team India)ను ఒత్తిడికి తలొగ్గేలా చేసి ఆరోసారి చాంపియన్గా నిలిచింది. అయితే.. లీగ్ దశలో వరుసగా రెండు మ్యాచ్లు ఓడిన ఆసీస్ .. ఊహించని రీతిలో వరుస విజయాలతో ఫైనల్ చేరింది. అయితే.. ఇదంతా ఎలా సాధ్యమైందో తెలుసా..? ఆస్ట్రేలియా కెప్టెన్ పాట్ కమిన్స్(Pat Cumins) వల్లనే.
అవును.. వరుస ఓటములతో డీలా పడిన జట్టు సభ్యులతో అతడు ఆత్మవిశ్వాసాన్ని నూరిపోశాడు. మ్యాచ్కు ముందు తన సహచరులతో ప్రశాంతంగా మాట్లాడేవాడు. వచ్చిన ఏ ఒక్క అవకాశాన్ని వదులకోవద్దని అందరితో చెప్పేవాడు. . ఇదే విషయం గురించి సబర్మతీ నదీలో క్రూయిజ్ బోట్పై వరల్డ్ కప్ ట్రోఫీతో ఫొటోలకు పోచ్చిన అనంతరం కమిన్స్ ఏం అన్నాడంటే..? ‘ఈరోజు ఎవరో ఒకరు ఆడతారులే అని అనుకోవద్దు. అదేదో మీరే ఆడి చూపించాలి. నేను కాకుంటే ఇంకెవరు? అనే మాటల్ని మైదానంలోకి దిగిన ప్రతిసారి మనసులో తలచుకోవాలి అని నా సహచరులకు చెప్పేవాడిని. ఈ వరల్డ్ కప్లో మా విజయ రహస్యం కూడా అదే’ అని కమిన్స్ తెలిపాడు. అహ్మదాబాద్లో భారత్తో జరిగిన ఫైనల్లో కమిన్స్ అద్భుత కెప్టెన్సీతో ఆకట్టుకున్నాడు.
Stars of #CWC23 ⭐
Tournament finalists dominated the Team of the Tournament 👇https://t.co/WBmJnsdZ0e
— ICC (@ICC) November 21, 2023
ఆదిలోనే రోహిత్ శర్మ(47)ను ఔట్ చేసిన కమిన్స్.. ఆ తర్వాత విరాట్ కోహ్లీ(56) వికెట్ తీసి మైదానం మొత్తాన్ని నిశ్శబ్దంగా మార్చాడు. పరిస్థితులకు తగ్గట్టు బౌలింగ్లో మార్పులు చేసి.. భారత్ భారీ స్కోర్ చేయకుండా అడ్డుపడ్డాడు. టీమిండియా నిర్దేశించిన 240 పరుగుల లక్ష్యాన్ని ఆసీస్ 43 ఓవర్లలో ఛేదించింది. ట్రావిస్ హెడ్(137) విధ్వంసక శతకానికి తోడూ మార్నస్ లబూషేన్(58 నాటౌట్) క్లాస్ ఇన్నింగ్స్ ఆడి జట్టును గెలిపించారు.
ట్రావిస్ హెడ్(137)
ఈ ఏడాది జూన్లో ఆసీస్కు టెస్టు గద(TestMace)ను అందించిన కమిన్స్ తాజాగా వరల్డ్ ట్రోఫీని కట్టబెట్టాడు. దాంతో, ఒకే ఏడాది దేశానికి రెండు ఐసీసీ ట్రోఫీలు అందించిన కెప్టెన్గా రికార్డు నెలకొల్పాడు. అంతేకాదు ఐదో వరల్డ్ కప్ అందుకున్నఆసీస్ సారథిగా కమిన్స్ గుర్తింపు సాధించాడు. కమిన్స్ కంటే ముందు అలెన్ బోర్డర్(1987), స్టీవ్ వా(1999), రికీ పాంటింగ్(2003, 2007), మైఖేల్ క్లార్క్(2015) కంగారూ జట్టును విశ్వవిజేతగా నిలిపారు.