Faisal Halim | యువ‌ ఫుట్‌బాల‌ర్‌పై యాసిడ్ దాడి.. అనుమానితుడి అరెస్ట్

Faisal Halim : మ‌లేషియా జాతీయ జ‌ట్టు ఫుట్‌బాల‌ర్ ఫైజ‌ల్ హ‌లీం(Faisal Halim) తృటిలో ప్రాణాపాయం నుంచి త‌ప్పించుకున్నాడు. 26 ఏండ్ల అత‌డిపై యాసిడ్ దాడి(Acid Attack) జ‌రిగింది. ఈ సంఘ‌ట‌న‌లో ఫైజ‌ల్ అదృష్ట‌వ‌శాత్తూ స్వ‌ల్ప‌ గాయాలతో బ‌య‌ట‌ప‌డ్డాడు.

May 6, 2024 / 05:23 PM IST

Faisal Halim | యువ‌ ఫుట్‌బాల‌ర్‌పై యాసిడ్ దాడి.. అనుమానితుడి అరెస్ట్

Faisal Halim : మ‌లేషియా జాతీయ జ‌ట్టు ఫుట్‌బాల‌ర్ ఫైజ‌ల్ హ‌లీం(Faisal Halim) తృటిలో ప్రాణాపాయం నుంచి త‌ప్పించుకున్నాడు. 26 ఏండ్ల అత‌డిపై యాసిడ్ దాడి(Acid Attack) జ‌రిగింది. ఈ సంఘ‌ట‌న‌లో ఫైజ‌ల్ అదృష్ట‌వ‌శాత్తూ స్వ‌ల్ప‌ గాయాలతో బ‌య‌ట‌ప‌డ్డాడు. కౌలాలంపూర్‌లోని పెట‌లింగ్ జ‌య జిల్లాలో మే 5 ఆదివారం ఫైజ‌ల్‌పై ఒక వ్య‌క్తి యాసిడ్ చ‌ల్లాడు. ఈ ప్ర‌మాదంలో ఫైజ‌ల్‌కు కాలిన గాయాల‌య్యాయి. ఒంటిపై కాలిన గాయాల‌తో అత‌డు బెంచీ మీద కూర్చున్న ఫొటోలు నిమిషాల్లోనే ఆన్‌లైన్‌లో వైర‌ల్ అయ్యాయి.

యాసిడ్ ప్ర‌భావంతో ఫైజ‌ల్ మెడ‌, భుజాలు, చేతులు, ఛాతిపై చ‌ర్మం లేచివ‌చ్చింది. ఈ విష‌యం తెలియ‌గానే ఫైజ‌ల్‌ను హుటాహుటిన హాస్పిట‌ల్‌కు త‌ర‌లించారు. ప్ర‌స్తుతం అత‌డి ఆరోగ్యం నిల‌క‌డ‌గానే ఉంద‌ని వైద్యులు తెలిపారు. ఫైజ‌ల్‌పై యాసిడ్ దాడి కేసులో పోలీసులు ఒక అనుమానితుడిని అరెస్ట్ చేశారు. అయితే.. ఏ ఉద్దేశంతో అత‌డు ఫుట్‌బాల‌ర్‌పై దాడి చేశాడు? అనేది మాత్రం ఇంకా తెలియాల్సి ఉంది.

Khabar Duka Buat Pemain Sayap Selangor, Faisal Halim yang dikatakan disimbah asid sebentar tadi di salah sebuah Mall terkemuka.
Diharapkan si pelaku dapat diberkas dgn segera.
Semoga seluruh keluarga Faisal Halim tabah menghadapi ujian ini dan Faisal akn sembuh seperti sediakan. pic.twitter.com/yyEkyTNPks

— SSFC (@ssfc_sel) May 5, 2024

‘మికీ’గా పాపుల‌ర్

ఫైజ‌ల్‌పై దాడిని అక్క‌డి స్పోర్ట్స్ అధికారులు తీవ్రంగా ఖండించారు. ‘ఫైజ‌ల్‌పై యాసిడ్ దాడిని గ‌ట్టిగా ఖండిస్తున్నా. అత‌డికి న్యాయం జ‌రిగేలా చూడాలని పోలీసుల‌ను కోరుతున్నా’ అని న‌జ్వాన్ హ‌ల్మి అనే అధికారి ఓ ప్ర‌క‌ట‌న‌లో తెలిపాడు. ‘మికీ’గా పేరొందిన 26 ఏండ్ల ఫైజ‌ల్ మ‌లేషియా జ‌ట్టులో కీల‌క ఆట‌గాడు. మలేషియా సూప‌ర్ లీగ్ క్ల‌బ్ సెలంగొర్ త‌ర‌ఫున స్ట్ర‌యిక‌ర్‌గా రాణిస్తున్నాడు.