Matthew Wade : ఆస్ట్రేలియా స్టార్ ఆటగాడు మాథ్యూ వేడ్(Matthew Wade) షాకింగ్ నిర్ణయం తీసుకున్నాడు. వికెట్ కీపర్, బ్యాటర్ అయిన వేడ్ శుక్రవారం ఫస్ట్ క్లాస్ క్రికెట్(First Class Cricket)కు రిటైర్మెంట్ ప్రకటించాడు. పెర్త్ స్టేడియంలో వచ్చే వారం జరిగే షెఫీల్డ్ షీల్డ్ ఫైనల్ (Sheffield Shield Final)లో వేడ్ ఫస్ట్ క్లాస్ కెరీర్ ముగియనుంది. అయితే.. వన్డేలు, టీ20ల్లో కొనసాగనున్నట్టు 36 ఏండ్ల వేడ్ తెలిపాడు. తన సుదీర్ఘ కెరీర్లో అండగా నిలిచిన సహచరులకు వేడ్ ధన్యవాదాలు తెలిపాడు.
‘నా కెరీర్ ఆసాంతం సహకరించిన జట్టు సభ్యలకు కృతజ్ఞతలు. ఫస్ట్ క్లాస్ క్రికెటర్గా రాణించేందుకు విక్టోరియా ఎంతో తోడ్పడింది. నా సొంత రాష్ట్రంలో కెరీర్ ముగించేందుకు అన్నివిధాలా మద్దతుగా నిలిచిన టాస్మేనియాకు ధన్యవాదాలు’ అని వేడ్ తెలిపాడు.
The #SheffieldShield final will be Matthew Wade’s final first-class matchhttps://t.co/GHSXxeOnxX
— cricket.com.au (@cricketcomau) March 14, 2024
వేడ్ ఫస్ట్ క్లాస్ కెరీర్ 2007లో మొదలైంది. విక్టోరియా జట్టు తరఫున నాలుగు షెఫీల్డ్ షీల్డ్ టైటిళ్లు గెలిచిన అతడు.. 2017-18 సీజన్లో టాస్మానియాకు మారాడు. ఇప్పటివరకూ ఈ చిచ్చరపిడుగు దేశవాళీలో 9,183 రన్స్ కొట్టాడు. అతడి ఖాతాలో 19 సెంచరీలు, 54 అర్ధ శతకాలు ఉన్నాయి. వికెట్కీపర్గానూ రాణించిన వేడ్ 165 మ్యాచుల్లో 442 క్యాచ్లు పట్టడమే కాకుండా
21 స్టంపింగ్స్ చేశాడు.
మాథ్యూ వేడ్
ఆస్ట్రేలియా జట్టు తరఫున విధ్వంసక ఇన్నింగ్స్లు ఆడిన వేడ్.. ఐపీఎల్లోనూ గుజరాత్ టైటాన్స్ ఆటగాడిగా మెరపులు మెరిపించాడు. నిరుడు హార్దిక్ పాండ్యా గైర్హాజరీలో కెప్టెన్గానూ వ్యవహరించాడు. అయితే.. ఈ స్టార్ ప్లేయర్ 17వ సీజన్ తొలి రెండు మ్యాచ్లకు దూరమయ్యే చాన్స్ ఉంది. టాస్మేనియా జట్టు తరఫున షెఫీల్డ్ షీల్డ్ ఫైనల్ ఉన్నందున మార్చి 25, మార్చి 27న గుజరాత్ ఆడే మ్యాచ్లకు వేడ్ అందుబాటులో లేడు. ఫైనల్ ముగిశాక అతడు గుజరాత్ జట్టుతో కలుస్తాడు.