Manavjith Singh : భారత షూటర్ మానవ్జిత్ సింగ్ సంధు(Manavjith Singh Sandhu)కు పెద్ద షాక్ తగిలింది. ఈ స్టార్ షూటర్ ప్రతిష్ఠాత్మక ప్యారిస్ ఒలింపిక్స్(Paris Olympics 2024) బెర్తు కోల్పోయాడు. అసలేం జరిగిందంటే..? కువైట్లో జరుగుతున్న ఆసియా ఒలింపిక్స్ క్వాలిఫయర్స్(Asian Olympic Qualifiers) పోటీల సందర్భంగా మానవ్జిత్ తుపాకీని నిర్వాహకులు పరీక్షించారు.
రెగ్యులర్గా జరిపే ఎక్విప్మెంట్ కంట్రోల్ టెస్టు (Equipment Control Test)లో అతడి గన్ విఫలమైంది. దాంతో, నిర్వాహకులు మానవ్జిత్ను పోటీ పడేందుకు అనర్హుడిగా ప్రకటించారు. అయితే.. ఈ స్టార్ షూటర్ మాత్రం టోర్నమెంట్ డైరెక్టర్ రాజకీయల వల్లనే తనను డిస్ క్వాలిఫై చేశారని అన్నాడు.
Trap shooter Manavjit Sandhu apparently disqualified from competing in Asian Shotgun Olympic Qualifiers after his gun stock failed the EC Test.
This is very surprising coz he has been using the same stock since the Rio Olympics, and has never faced issues as such.@OfficialNRAI pic.twitter.com/30WPDL3Sfo— Rambo (@monster_zero123) January 14, 2024
‘టోర్నమెంట్ డైరెక్టర్కు భారత్ అంటే పడదు. అతడి రాజకీయాలకు నేను బలయ్యాను. అతడు ఎక్విప్మెంట్ జ్యూరీలో సభ్యుడు కూడా కాదు. ఉదయాన్నే నా తుపాకీని పరీలించిన అధికారులు ఓకే అంతా బాగుందని చెప్పారు. కానీ, టోర్నమెంట్ డైరెక్టర్ జోక్యంతో చివరకు నన్ను అనర్హుడిగా ప్రకటించారు. భారత్ మరొక ఒలింపిక్స్ బెర్తు రాకుండా చేయాలనే ఉద్దేశంతోనే నన్ను తప్పించారు’ అని నాలుగుసార్లు విశ్వ క్రీడల్లో పాల్గొన్న మానవ్జిత్ వాపోయాడు. అంతేకాదు ఈ విషయంపై అంతర్జాతీయ షూటింగ్ స్పోర్ట్స్ సమాఖ్య(ISSF)కు ఫిర్యాదు చేస్తానని తెలిపాడు. మానవ్జిత్ 2006 వరల్డ్ చాంపియన్షిప్స్లో గోల్డ్ మెడల్ సాధించాడు.