ICC Rankings | టాప్ 10లో కోహ్లీ.. ఆడ‌కున్నా పంత్‌కు 12వ‌ ర్యాంక్

ICC Rankings : భార‌త మాజీ కెప్టెన్ విరాట్ కోహ్లీ(Virat Kohli) కొత్త ఏడాదిలో మ‌రో మెట్టు ఎక్కాడు. ఈ స్టార్ బ్యాట‌ర్ తాజాగా ప్ర‌క‌టించిన‌ ఐసీసీ ర్యాంకింగ్స్‌(ICC Rankings)లో స‌త్తా చాటాడు. ద‌క్షిణాఫ్రికా(South Africa) గ‌డ్డ‌పై తొలి టెస్టులో...

January 3, 2024 / 03:52 PM IST

ICC Rankings | టాప్ 10లో కోహ్లీ.. ఆడ‌కున్నా పంత్‌కు 12వ‌ ర్యాంక్

ICC Rankings : భార‌త మాజీ కెప్టెన్ విరాట్ కోహ్లీ(Virat Kohli) కొత్త ఏడాదిలో మ‌రో మెట్టు ఎక్కాడు. ఈ స్టార్ బ్యాట‌ర్ తాజాగా ప్ర‌క‌టించిన‌ ఐసీసీ ర్యాంకింగ్స్‌(ICC Rankings)లో స‌త్తా చాటాడు. ద‌క్షిణాఫ్రికా(South Africa) గ‌డ్డ‌పై తొలి టెస్టులో అర్ధ శత‌కంతో రాణించిన విరాట్ నాలుగు స్థానాలు ఎగ‌బాకి 9వ ర్యాంక్‌లో నిలిచాడు. గ‌త రెండేండ్లలో కోహ్లీకి ఇదే మెరుగైన ర్యాంక్ కావ‌డం విశేషం.

ఇక వికెట్ కీప‌ర్ రిష‌భ్ పంత్(Rishabh Pant) 12వ ర్యాంక్‌లో కొన‌సాగ‌తున్నాడు. 2022లో కారు యాక్సిడెంట్ కార‌ణంగా ఏడాదిపాటు ఆట‌కు దూర‌మైన పంత్ టాప్ 15లో ఒక‌డిగా నిల‌వ‌డం గ‌మ‌నార్హం. మ‌రోవైపు రోహిత్ శ‌ర్మ నాలుగు స్థానాలు దిగ‌జారి 14వ ర్యాంక్‌తో స‌రిపెట్టుకున్నాడు.

Virat Kohli surges into top 10 in the @MRFWorldwide ICC Men’s Test Batters Rankings after runs in Boxing Day match 💪

Details 👇https://t.co/tQK3cAwG5z

— ICC (@ICC) January 3, 2024

కేన్ విలియ‌మ్స‌న్

Captain Kane Williamson

బంగ్లాదేశ్ సిరీస్‌లో నిల‌క‌డ‌గా ఆడిన‌ న్యూజిలాండ్ కెప్టెన్ కేన్ విలియ‌మ్స‌న్(Kane Williamson) అగ్ర‌స్థానం నిల‌బెట్టుకున్నాడు. ఇంగ్లండ్ మాజీ కెప్టెన్ జో రూట్‌(Joe Root), ఆస్ట్రేలియా స్టార్ బ్యాట‌ర్ స్టీవ్ స్మిత్‌(Steven Smith) వ‌రుస‌గా రెండు, మూడు స్థానాల్లో నిలిచారు. పెర్త్ టెస్టులో రాణించిన ఆసీస్ ఓపెన‌ర్ ఉస్మాన్ ఖ‌వాజా నాలుగో స్థానంలో, బాబ‌ర్ ఆజాం ఐదో స్థానంలో కొన‌సాగుతున్నారు.

ర‌వీంద్ర జ‌డేజా, అశ్విన్

Jadeja 1 F

బౌలింగ్ ర్యాంకింగ్స్‌లో ఏకంగా ముగ్గురు భార‌త బౌల‌ర్లు టాప్ 5లో నిలిచారు. సీనియర్ స్పిన్న‌ర్ ర‌విచంద్ర‌న్ అశ్విన్(Ravichandra Ashwin) టాప్‌లో ఉండ‌గా.. ఆల్‌రౌండ‌ర్ ర‌వీంద్ర జ‌డేజా నాలుగో ప్లేస్‌లో ఉన్నాడు. స‌ఫారీ గ‌డ్డ‌పై చెల‌రేగుతున్న పేస‌ర్ జ‌స్ప్రీత్ బుమ్రా(Jaspreet Bumrah) ఐదో ర్యాంక్ ద‌క్కించుకున్నాడు. ఆల్‌రౌండ‌ర్ల జాబితాలో జ‌డేజా అగ్ర‌స్థానంలో, అశ్విన్ రెండో స్థానంలో కొన‌సాగుతుండ‌గా.. బంగ్లాదేశ్ కెప్టెన్ ష‌కిబుల్ హ‌స‌న్‌ మూడో స్థానంలో నిలిచాడు. టీమిండియా యువ ఆల్‌రౌండ‌ర్ అక్ష‌ర్ ప‌టేల్ 291 రేటింగ్స్‌తో ఏదో స్థానంలో ఉన్నాడు.