Usman Khawaja | నాది త‌ప్పా?.. మ‌రి వీళ్ల మాటేమిటి?.. ఐసీసీ ద్వంద్వ వైఖ‌రిపై ఖ‌వాజా వీడియో

Usman Khawaja : అంత‌ర్జాతీయ క్రికెట్‌లో ఆటగాళ్లు వ్య‌క్తిగ‌త సందేశాలు(Individual Messages) ప్ర‌ద‌ర్శించ‌డంపై భిన్న‌స్వ‌రాలు వినిపిస్తున్నాయి. స్వ‌దేశంలో పాకిస్థాన్‌తో జ‌రిగిన‌ పెర్త్ టెస్టు(Perth Test)లో న‌ల్ల రిబ్బ‌న్ ధ‌రించి ఐసీసీ(ICC) ఆగ్ర‌హానికి గురైన ఆస్ట్రేలియా స్టార్ ఓపెన‌ర్ ఉస్మాన్ ఖ‌వాజా...

Usman Khawaja : అంత‌ర్జాతీయ క్రికెట్‌లో ఆటగాళ్లు వ్య‌క్తిగ‌త సందేశాలు(Individual Messages) ప్ర‌ద‌ర్శించ‌డంపై భిన్న‌స్వ‌రాలు వినిపిస్తున్నాయి. స్వ‌దేశంలో పాకిస్థాన్‌తో జ‌రిగిన‌ పెర్త్ టెస్టు(Perth Test)లో న‌ల్ల రిబ్బ‌న్ ధ‌రించి ఐసీసీ(ICC) ఆగ్ర‌హానికి గురైన ఆస్ట్రేలియా స్టార్ ఓపెన‌ర్ ఉస్మాన్ ఖ‌వాజా(Usman Khawaja)కు క్రికెట‌ర్లు మ‌ద్ద‌తు ప‌లుకున్నారు. తాజాగా ఖ‌వాజా ఓ వీడియో పోస్ట్ ద్వారా ఐసీసీ ద్వంద్వ వైఖ‌రిని ఖండించాడు. ఆ వీడియోలో కొంద‌రు క్రికెటర్లు బ్యాట్‌పై వ్య‌క్తిగ‌త మెసేజ్‌ల‌ను ప్ర‌ద‌ర్శించారు.

ఖ‌వాజా షేర్ చేసిన వీడియోలో.. ద‌క్షిణాఫ్రికా స్పిన్న‌ర్ కేశ‌వ్ మ‌హారాజ్(Keshav Maharaj) ‘ఓం’ గుర్తు ఉన్న బ్యాటుతో, విండీస్ హిట్ట‌ర్ నికోల‌స్ పూర‌న్(Nicholas Pooran) ‘శిలువ’ ముద్ర ఉన్న బ్యాట్‌తో క‌నిపించాడు. మ‌రో ఆస్ట్రేలియా బ్యాట‌ర్ డేగ బొమ్మ ఉన్న బ్యాటుతో అభివాదం చేస్తున్నాడు.

 

View this post on Instagram

 

A post shared by Usman Khawaja (@usman_khawajy)

న‌ల్ల రిబ్బ‌న్ ధ‌రించి ఐసీసీ ఆంక్ష‌ల‌కు గురైన ఖ‌వాజాకు రోజురోజుకు మ‌ద్ద‌తు ప‌లికే వాళ్ల సంఖ్య పెరుగుతోంది. తాజాగా ద‌క్షిణాఫ్రికా స్పిన్న‌ర్ తబ్రేజ్ షంసీ() ఖ‌వాజా త‌ప్పేంటో చెప్పాల‌ని ఐసీసీని డిమాండ్ చేశాడు. ఒక‌రోజు క్రిత‌మే వెస్టిండీస్ దిగ్గ‌జం మైఖేల్ హోల్డింగ్(Michael Holding) కూడా ఐసీసీ తీరును త‌ప్పుబ‌ట్టిన విష‌యం తెలిసిందే. ఖ‌వాజా విష‌యంలో అంత‌ర్జాతీయ క్రికెట్ కౌన్సిల్ రెండు నాల్క‌ల ధోర‌ణిని అవ‌లంబిస్తోందని హోల్డింగ్ అన్నాడు.

I would like the @ICC to explain what exactly has @Uz_Khawaja done wrong??

Why the double standards??#AllLivesAreEqual #FreedomIsAHumanRight pic.twitter.com/elb1pwcg7i

— Tabraiz Shamsi (@shamsi90) December 25, 2023

పెర్త్‌లో పాకిస్థాన్‌(Pakistan)తో జ‌రిగిన తొలి టెస్టులో ఖ‌వాజా భుజానికి న‌ల్ల రిబ్బ‌న్(Black Ribbon) ధ‌రించి బ్యాటింగ్ చేశాడు.  అయితే.. క్రికెట్ ఆస్ట్రేలియా, ఐసీసీ అనుమ‌తి తీసుకోకుండా ఖ‌వాజా న‌ల్ల రిబ్బ‌న్ ధ‌రించ‌డాన్ని ఐసీసీ త‌ప్పుబ‌ట్టింది. ‘ఐసీసీ ప్లేయింగ్ కండీష‌న్స్ పేజీలో రాసున్న‌ క్రికెట‌ర్ల‌ దుస్తులు, వ‌స్తువుల నియంత్ర‌ణ‌కు సంబంధించిన క్లాజ్ ‘ఎఫ్‌’ను ఖ‌వాజా ఉల్లంఘించాడు. బ్లాక్ రిబ్బ‌న్ ద్వారా అత‌డు వ్య‌క్తిగ‌త మెసేజ్‌ను ప్ర‌ద‌ర్శించాడు’ అని ఐసీసీ ఓ ప్ర‌క‌ట‌న‌లో తెలిపింది. ఖ‌వాజా ఈ మ‌ధ్య ప‌లు సంద‌ర్భాల్లో త‌న‌ షూ మీద‌.. ‘ఫ్రీడం అనేది మాన‌వుల హ‌క్కు’, ‘అంద‌రి జీవితాలు స‌మాన‌మే’ వంటి మెసేజ్‌ల‌తో వార్త‌ల్లో నిలిచిన విష‌యం తెలిసిందే.

ఇవి కూడా చ‌ద‌వండి

• Terror Attack | భార‌త సైన్యంపై చైనా ఆయుధాల‌తో ఉగ్ర‌దాడులు..!
• Coronavirus | 24 గంటల్లో 116 కొత్త కేసులు.. ముగ్గురు మృతి
• Indian Grand Masters | ల్యాప్‌టాప్, పాస్‌పోర్ట్‌లు ఎత్తుకెళ్లిన దొంగ‌లు.. ల‌బోదిబోమంటున్న భార‌త గ్రాండ్‌మాస్ట‌ర్లు