Photographer Hari | హైదరాబాదీ ఫొటోగ్రాఫర్‌ హరికి అరుదైన గౌరవం

హైదరాబాదీ వైల్డ్‌లైఫ్‌ ఫొటోగ్రాఫర్‌ హరి కే పాటిబండకు అరుదైన గౌరవం దక్కింది.

Photographer Hari | హైదరాబాద్‌, మే 6 (నమస్తే తెలంగాణ) : హైదరాబాదీ వైల్డ్‌లైఫ్‌ ఫొటోగ్రాఫర్‌ హరి కే పాటిబండకు అరుదైన గౌరవం దక్కింది. అంతర్జాతీయ పోటీల్లో అరుదైన 100 ఉత్తమ ఛాయ చిత్రాల్లో హరి తీసిన మచ్చల గుడ్లగూబను వేధిస్తున్న మంగళి పిట్ట (నల్లడ్రోంగో) ఫొటో ఎంపికైంది.

2015 నుంచి 35 ఫొటో.ప్రొ సంస్థ ద్వారా ప్రతి సంవత్సరం అంతర్జాతీయ ఫొటోగ్రఫీ పోటీలు నిర్వహిస్తున్నారు. ఈ ఏడాది ఆన్‌లైన్‌లో నిర్వహించిన పోటీలకు విశ్వవ్యాప్తంగా 1.11 లక్షల మంది ఫొటోగ్రాఫర్ల నుంచి 1.15 లక్షల ఫొటోలు వచ్చాయి. ఈ పోటీలకు హరి 9 ఫొటోలు పంపించగా, అన్ని ఫొటోలు రెండో రౌండ్‌కు ఎంపికయ్యాయి. 35 అవార్డ్స్‌ ఈ ఫొటోగ్రాఫ్‌ల ర్యాంకులను ఈ నెల 11 అధికారికంగా ప్రకటించనున్నది.