NZ vs PAK | ఆఖ‌రి టీ20లో చెల‌రేగిన బౌల‌ర్లు.. వైట్‌వాష్ త‌ప్పించుకున్న‌ పాకిస్థాన్‌

NZ vs PAKF : న్యూజిలాండ్ గ‌డ్డ‌పై జ‌రుగుతున్న టీ20 సిరీస్‌లో పాకిస్థాన్(Pakistan) బోణీ కొట్టింది. వ‌రుస‌గా నాలుగు మ్యాచుల్లో ఓటమిపాలైన షాహిద్ ఆఫ్రిది(Shaheen Afridi) సేన ఎట్ట‌కేల‌కు విజ‌యం సాధించింది. ఆదివారం జ‌రిగిన ఐదో టీ20లో....

NZ vs PAKF : న్యూజిలాండ్ గ‌డ్డ‌పై జ‌రుగుతున్న టీ20 సిరీస్‌లో పాకిస్థాన్(Pakistan) బోణీ కొట్టింది. వ‌రుస‌గా నాలుగు మ్యాచుల్లో ఓటమిపాలైన షాహిద్ ఆఫ్రిది(Shaheen Afridi) సేన ఎట్ట‌కేల‌కు విజ‌యం సాధించింది. ఆదివారం జ‌రిగిన ఐదో టీ20లో 42 ప‌రుగుల తేడాతో కివీస్‌ను చిత్తు చేసింది. పాక్ నిర్దేశించిన 134 ప‌రుగుల ఛేద‌న‌లో బ్లాక్‌క్యాప్స్ 92 ప‌రుగుల‌కే కుప్ప‌కూలింది.

మూడు వికెట్ల‌తో న్యూజిలాండ్ న‌డ్డి విరిచిన ఆల్‌రౌండ‌ర్ ఇఫ్తికార్ అహ్మ‌ద్‌(Iftikhar Ahmed)కు ‘ప్లేయ‌ర్ ఆఫ్ ది మ్యాచ్’ అవార్డు ద‌క్కింది. టోర్నీలో ప‌రుగుల వ‌ర‌ద పారించిన కివీస్ ఓపెన‌ర్ ఫిన్ అలెన్‌(Finn Allen) ‘ప్లేయ‌ర్ ఆఫ్ ది సిరీస్’ అవార్డుకు ఎంపిక‌య్యాడు.

Iftikhar Ahmed finished with his best figures in T20Is 👏

He’s the Player of the Match today in Christchurch 🌟 https://t.co/nEQfcQO63f #NZvPAK pic.twitter.com/pkMTwVVTNv

— ESPNcricinfo (@ESPNcricinfo) January 21, 2024

క్రిస్ట్‌చ‌ర్చ్‌లో తొలుత బ్యాటింగ్ చేసిన పాక్ 8 వికెట్ల న‌ష్టానికి 134 ర‌న్స్ కొట్టింది. మిడిలార్డ‌ర్ విఫ‌ల‌మైన‌ప్ప‌టికీ.. ఓపెన‌ర్ మ‌హ్మ‌ద్ రిజ్వాన్(38), ఫ‌ఖ‌ర్ జ‌మాన్‌(33), ష‌హిబ్‌జ‌దా ఫ‌ర్హాన్‌(19)లు రాణించ‌డంతో పోరాడ‌గ‌లిగే స్కోర్ చేసింది. అనంత‌రం ఇన్నింగ్స్ ఆరంభించిన కివీస్‌కు రెండో ఓవ‌ర్లోనే షాక్ త‌గిలింది. డేంజ‌రస్ ఓపెన‌ర్ ర‌చిన్ ర‌వీంద్ర‌(1)ను న‌వాజ్ వెన‌క్కి పంపాడు. అయితే.. మరో ఓపెన‌ర్ ఫిన్ అలెన్‌(22), టిమ్ సీఫ‌ర్ట్(19)లు జ‌ట్టును ఆదుకున్నారు. అయితే.. ఇఫ్తికార్ సీఫ‌ర్ట్‌, మ్యాట్ హెన్రీ, ఇష్ సోధీల‌ను ఔట్ చేసి కివీస్‌ను దెబ్బ కొట్టాడు. చివ‌ర్లో గ్లెన్ ఫిలిఫ్స్‌(26) దంచికొట్టినా జ‌ట్టును గెలిపించ‌లేక‌పోయాడు.

ఇవి కూడా చ‌ద‌వండి

• MS Dhoni | ధోనీ వీరాభిమాని ఆత్మ‌హ‌త్య‌.. అదే ఇంట్లో ఊపిరి విడిచాడు
• Pragya Jaiswal | ప్రగ్యా జైస్వాల్ అందాలకు కుర్రకారు ఫిదా..
• Mohamed Muizzu | మాల్దీవుల అధ్యక్షుడి భారత వ్యతిరేక వైఖరి.. ప్రాణాలు కోల్పోయిన 14 ఏండ్ల బాలుడు