MS Dhoni Birthday : భారత జట్టు గొప్ప కెప్టెన్లలో ఒకడైన మహేంద్ర సింగ్ ధోనీ(Mahendra Singh Dhoni)కి శుభాకాంక్షలు వెల్లువెత్తుతున్నాయి. ఈరోజు 42వ పడిలోకి అడుగుపెట్టిన మిస్టర్ కూల్ మహీకి సహచరులు, మాజీ క్రికెటర్లతో పాటు బర్త్ డే విషెస్ చెప్తున్నారు. బీసీసీఐ(BCCI) కూడా ఈ లెజెండరీ క్రికెటర్కు అభినందనలు తెలుపుతూ స్పెషల్ ట్వీట్ చేసింది. అందులో ధోనీ వరల్డ్ కప్ ట్రోఫీ(World Cup Trophy) పట్టుకొని కూర్చుకున్నాడు. అతడి వెనక 7వ నంబర్ జెర్సీ ఉంది.
ఈ మిస్టర్ కూల్ కెప్టెన్ భారత్కు 2007లో పొట్టి ప్రపంచకప్(T20 Worlds Cup), 2011లో వన్డే ప్రపంచకప్(2011 WC), 2013లో చాంపియన్స్ ట్రోఫీ(2013 Champions Trophy) సాధించి పెట్టాడు. అతడి ఘనతలను గుర్తు చేసేలా ఉన్న ఈ పోస్ట్ సోషల్మీడియాలో వైరల్ అవుతోంది. తొలినాళ్లలో పొడవైన జులపాల జుట్టుతో ప్రత్యేక ఆకర్షణగా నిలిచిన ధోనీ అనతికాలంలోనే కెప్టెన్గా ఎదిగాడు. టీమిండియాకు అద్భత విజయాలు అందించిన కెప్టెన్లలో అతను ముందు వరుసలో ఉంటాడు.
Captain. Leader. Legend! 🙌
Wishing @msdhoni – former #TeamIndia Captain & one of the finest to have ever graced the game – a very happy birthday 🎂
Here’s a birthday treat for all the fans – 7️⃣0️⃣ seconds of vintage MSD 🔥 🔽https://t.co/F6A5Hyp1Ak pic.twitter.com/Nz78S3SQYd
— BCCI (@BCCI) July 7, 2023
ధోనీ సారథ్యంలోని యువ భారత జట్టు ఐసీసీ(ICC) తొలిసారి నిర్వహించిన టీ20 వరల్డ్ కప్ ట్రోఫీని సొంతం చేసుకుంది. ఆ తర్వాత సొంత గడ్డపై 2011లో వన్డే చాంపియన్గా అవతరించింది. వాంఖడే స్టేడియంలోశ్రీలంక(Srilanka)తో జరిగిన ఫైనల్లో ధోనీ ధనాధన్ ఇన్నింగ్స్ ఆడి జట్టును గెలిపించాడు. తనదైన స్టయిల్లో సిక్స్ కొట్టి మ్యాచ్ ముగించాడు. దాంతో, భారత అభిమానులంతా సంబురాలు చేసుకున్నారు.
టీ20 వరల్డ్ కప్, వన్డే ప్రపంచకప్, చాంపియన్స్ ట్రోఫీతో ధోనీ
ఎప్పటి నుంచో ఊరిస్తున్న చాంపియన్స్ ట్రోఫీ కలను కూడా మహీ నిజం చేశాడు. అతడి కెప్టెన్సీలో ఆతిథ్య ఇంగ్లండ్ను ఓడించిన భారత్ విజేతగా నిలిచింది. ఐపీఎల్(IPL)లోనూ ధోనీ తన మార్క్ చూపించాడు. చెన్నై సూపర్ కింగ్స్(Chennai Super Kings)కు ఏకంగా 5 ట్రోఫీలు అందించాడు. దాంతో, చెన్నై జట్టు అత్యధిక ఐపీఎల్ ట్రోఫీలు గెలిచిన ముంబై ఇండియన్స్ రికార్డు సమం చేసింది.