కోల్‌కతాలో బీజేపీ కార్యాలయం వద్ద బాంబుల కలకలం

కోల్‌కతాలో బీజేపీ కార్యాలయం వద్ద బాంబుల కలకలం | పశ్చిమ బెంగాల్‌లో మరోసారి బాంబులు కలకలం సృష్టించాయి. కోల్‌కతా ఖిద్దర్‌పూర్‌ హేస్టింగ్‌ క్రాసింగ్‌ ఏరియాలో సుమారు 50కిపైగా ముడి బాంబులను పోలీసులు శనివారం రాత్రి స్వాధీనం చేసుకున్నారు.

కోల్‌కతా : పశ్చిమ బెంగాల్‌లో మరోసారి బాంబులు కలకలం సృష్టించాయి. కోల్‌కతా ఖిద్దర్‌పూర్‌ హేస్టింగ్‌ క్రాసింగ్‌ ఏరియాలో సుమారు 50కిపైగా ముడి బాంబులను పోలీసులు శనివారం రాత్రి స్వాధీనం చేసుకున్నారు. బాంబులు దొరికిన ప్రదేశానికి దాదాపు 20 మీటర్ల దూరంలోనే ఎన్నికల సమయంలో బీజేపీ ఏర్పాటు చేసుకున్న కార్యాలయం ఉన్నది. పండ్ల ప్యాకింగ్‌కు వినియోగించే నాలుగు సంచుల్లో బాంబులను గుర్తించగా.. పోలీసులకు సమాచారం అందించారు. దీంతో బాండ్‌ స్క్వాడ్‌, యాంటీ రౌడీ స్క్వాడ్‌ విభాగానికి చెందిన బృందాలు సంఘటనా స్థలానికి చేరుకొని బాంబులను స్వాధీనం చేసుకున్నాయి. బాంబాలు పెద్ద ఎత్తున ఉండడంతో పేలితే తీవ్ర నష్టం జరిగేదని ఓ సీనియర్‌ అధికారి తెలిపారు. బాంబులు అక్కడికి ఎలా వచ్చాయో తెలుసుకునేందుకు దర్యాప్తు చేస్తున్నట్లు పేర్కొన్నారు. సీసీటీవీ ఫుటేజీలను సైతం పరిశీలిస్తున్నట్లు చెప్పారు.

ఇవి కూడా చదవండి..

ప‌ర్యావ‌ర‌ణ హితం : చెట్టుపై ఇల్లు కట్టిన ఐఐటీయ‌న్

06.06.2021 ఆదివారం, మీ రాశిఫలాలు

బెంగాల్‌ బీజేపీ నేత సువేందు అధికారిపై కేసు నమోదు

జమ్మూకాశ్మీర్‌లో స్వల్ప భూకంపం

వాహనదారులకు షాక్‌.. మళ్లీ పెరిగిన పెట్రోల్‌, డీజిల్‌ ధరలు

యెమెన్‌లో రాకెట్‌ దాడి.. 17 మంది దుర్మరణం