Watch: దసరా ఊరేగింపులో ఏనుగు బీభత్సం.. పరుగులు తీసిన జనం

Elephant runs amok | దసరా సందర్భంగా ఏనుగుపై దేవుడిని ఊరేగించేందుకు ప్రయత్నించారు. అయితే సుమారు 650 కిలోల బరువున్న వెండి మండపాన్ని ఆ ఏనుగుపై ఉంచారు. ఈ నేపథ్యంలో అది పరుగులు తీసి బీభత్సం సృష్టించింది.

బెంగళూరు: దసరా సందర్భంగా ఏనుగుపై దేవుడిని ఊరేగించేందుకు ప్రయత్నించారు. అయితే సుమారు 650 కిలోల బరువున్న వెండి మండపాన్ని ఆ ఏనుగుపై ఉంచారు. ఈ నేపథ్యంలో అది పరుగులు తీసి బీభత్సం సృష్టించింది. (Elephant runs amok) ఈ వీడియో క్లిప్‌ సోషల్‌ మీడియాలో వైరల్‌ అయ్యింది. కర్ణాటకలోని శివమొగ్గలో ఈ సంఘటన జరిగింది. మంగళవారం దసరా సందర్భంగా ఒక ఏనుగుపై దేవుడిని ఊరేగించేందుకు సిద్ధం చేస్తున్నారు. సుమారు 650 కిలోల బరువైన వెండి మండపాన్ని అంబారీపై ఉంచారు.

కాగా, ఆ ఏనుగు అదుపుతప్పింది. ఒక్కసారిగా పరుగులు తీసింది. అక్కడ బీభత్సం సృష్టించింది. పలు ఇళ్లు, వాహనాలను అది ధ్వంసం చేసింది. దీంతో స్థానికులు భయాందోళన చెందారు. రోడ్లపై ఉన్న జనంతో పాటు పోలీసులు కూడా పరుగులుతీశారు.

మరోవైపు సోమన్నగా పిలిచే ఆ ఏనుగును అదుపు చేసేందుకు పశువైద్యులు ప్రయత్నించారు. చివరకు దానికి మత్తు మందు ఇచ్చారు. దీంతో ఆ ఏనుగు నియంత్రణలోకి వచ్చింది. శివమొగ్గ జిల్లా ఎస్పీ, డివిజనల్ ఫారెస్ట్ ఆఫీసర్ సంఘటనా స్థలానికి చేరుకున్నారు. అక్కడి పరిస్థితిని పర్యవేక్షించారు. అయితే ఏనుగు బీభత్సం సృష్టించిన ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

Dasara procession turns to tragedy in Shivamogga. The elephant carrying the Ambari runs amok across the streets damaging buildings and vehicles before coming to a halt as the 650 kilo silver ambari it was carrying falls down. https://t.co/zQlPX4HuOg

— Deepak Bopanna (@dpkBopanna) October 21, 2026