కేర‌ళ‌కు 100 కి.మీ దూరంలో నైరుతి రుతుపవనాలు

నైరుతి రుతుప‌వ‌నాలు కేర‌ళ‌-త‌మిళ‌నాడుకు చాలా దగ్గ‌ర‌గా ఉన్నాయి. రుతుపవనాల ఉత్తర పరిమితి ప్రస్తుతం కొమొరిన్ సముద్రంలోని తీరాల నుంచి 100 కి.మీ. దూరంలో ఉన్నాయి. రానున్న‌ 24 గంటల్లో ఎప్పుడైనా చేరుకోవచ్చున‌ని ప‌ర్యావ‌ర‌ణ‌వేత్త‌లు చెప్తున్నారు

May 29, 2021 / 04:09 PM IST

కేర‌ళ‌కు 100 కి.మీ దూరంలో నైరుతి రుతుపవనాలు

న్యూఢిల్లీ : నైరుతి రుతుప‌వ‌నాలు కేర‌ళ‌-త‌మిళ‌నాడుకు చాలా దగ్గ‌ర‌గా ఉన్నాయి. రుతుపవనాల ఉత్తర పరిమితి ప్రస్తుతం కొమొరిన్ సముద్రంలోని తీరాల నుంచి 100 కి.మీ. దూరంలో ఉన్నాయి. రానున్న‌ 24 గంటల్లో ఎప్పుడైనా చేరుకోవచ్చున‌ని ప‌ర్యావ‌ర‌ణ‌వేత్త‌లు చెప్తున్నారు. గత చాలా రోజులుగా దక్షిణ-పశ్చిమ గాలులు వీస్తున్నాయి. వర్షం, గాలి, రేడియేషన్ యొక్క అనేక పారామితులను కలుపుకున్న తర్వాత రుతుపవనాలు కేరళకు చేరుకున్నట్లు నిర్ధారించారు.

వాతావరణ శాఖ ప్రకారం.. కేరళ, లక్షద్వీప్, కర్ణాటకలోని 14 వాతావరణ కేంద్రాలలో 60 శాతం మే 10 తర్వాత వరుసగా రెండు రోజులు 2.5 మిమీ లేదా అంతకంటే ఎక్కువ వర్షం వస్తే రుతుపవనాల రాకకు ప్రధాన స్థావరంగా పరిగణించబడుతుంది. తీరప్రాంతమైన కేరళ, కర్ణాటక, లక్షద్వీప్‌ల‌లో వర్షాల వల్ల దీనికి పూర్తి ఆధారం చేకూరిన‌ట్ల‌యింది. అయితే, గాలి, రేడియేషన్ ప్రమాణాలు నిరంతరం నిఘాలో ఉన్నాయి.

భారతదేశంలోని అండమాన్, నికోబార్ దీవుల్లో రుతుపవనాలు మే 21 న తాకాయి. ఆ తర్వాత‌ సాధారణ వేగంతో వాయవ్య దిశలో కదులుతున్నాయి. కేరళలో రుతుపవనాలు ప్రారంభమయ్యే సాధారణ తేదీ జూన్ 1. అయితే వాతావరణ శాఖ మే 31 న ప్ర‌వేశిస్తుందని అంచనా వేశారు. ఇదే సమయంలో ప్రైవేట్ వాతావరణ సంస్థ స్కైమెట్.. మే 30 న రుతుపవనాలు మ‌న దేశంలోకి ప్ర‌వేశిస్తాయ‌ని అంచనా వేసింది.

ఈసారి సాధార‌ణం క‌న్నా మంచి వ‌ర్షాలు

ఈసారి రుతుపవనాలు సాధారణం కంటే మెరుగ్గా ఉంటాయని భావిస్తున్నారు. స్కైమెట్ ప్రకారం, ఈ సంవత్సరం జూన్ నుంచి సెప్టెంబర్ వరకు భారతదేశంలో సగటు వర్షపాతం 907 మి.మీ ఉండ‌నున్న‌ది. భారతదేశం అంతటా నాలుగు నెలల్లో సగటు వర్షపాతం 880.6 మిల్లీమీటర్లు.