దేశంలో తగ్గుతున్న కరోనా.. 24 గంటల్లో 1.20లక్షల కేసులు

దేశంలో తగ్గుతున్న కరోనా.. 24 గంటల్లో 1.20లక్షల కేసులు | దేశంలో కరోనా మహమ్మారి తీవ్రత తగ్గుతున్నది. కొత్తగా 1.20లక్షల కేసులు నమోదవగా.. రోజువారీ కొవిడ్‌ కేసులు 58 రోజుల కనిష్ఠానికి చేరుకున్నాయి.

న్యూఢిల్లీ : దేశంలో కరోనా మహమ్మారి తీవ్రత తగ్గుతున్నది. కొత్తగా 1.20లక్షల కేసులు నమోదవగా.. రోజువారీ కొవిడ్‌ కేసులు 58 రోజుల కనిష్ఠానికి చేరుకున్నాయి. వరుసగా తొమ్మిదో రోజు రెండు లక్షల కన్నా తక్కువగా కరోనా కేసులు నమోదయ్యాయి. గడిచిన 24 గంటల్లో 1,20,529 పాజిటివ్‌ కేసులు రికార్డయ్యాయని కేంద్ర కుటుంబ ఆరోగ్యమంత్రిత్వ శాఖ శనివారం తెలిపింది. తాజాగా 1,97,894 మంది బాధితులు కోలుకున్నారు. నిన్న మొన్నటి వరకు కాస్త తగ్గిన కరోనా మరణాలు మరోసారి మూడువేలు దాటాయి. తాజాగా మరో 3,380 మంది వైరస్ బారినపడి మృతి చెందారు. కొత్తగా నమోదైన కేసులతో దేశంలో మొత్తం 2,86,94,879కు చేరాయి. ఇందులో 2,67,95,549 మంది బాధితులు కోలుకున్నారు.

ఇప్పటి వరకు 3,44,082 మంది వైరస్‌ బారినపడి ప్రాణాలు కోల్పోయారు. ప్రస్తుతం దేశంలో 15,55,248 యాక్టివ్‌ కేసులున్నాయని పేర్కొంది. జాతీయ రికవరీ రేటు 93.38శాతానికి చేరుకుందని ఆరోగ్యమంత్రిత్వశాఖ పేర్కొంది. వీక్లీ పాజిటివిటీ రేటు ప్రస్తుతం 6.89శాతానికి పడిపోయిందని, రోజువారీ పాజిటివిటీ రేటు 5.78శాతానికి పడిపోయిందని, వరుసగా 12 రోజుల్లో పది శాతానికి కన్నా తక్కువగానే నమోదైందని చెప్పారు. మరో వైపు దేశంలో 36.1 కోట్లకుపైగా పరీక్షలు చేసినట్లు తెలిపింది. టీకా డ్రైవ్‌లో భాగంగా ఇప్పటి వరకు 22,78,60,317 డోసులు వేసినట్లు ఆరోగ్యశాఖ వివరించింది.

ఇవి కూడా చదవండి..

షుగర్‌ కంట్రోల్‌తో బ్లాక్‌ ఫంగస్‌కు చెక్‌

వ్యాక్సిన్ వేసుకున్న వారికి క‌రోనా వ‌చ్చినా చ‌నిపోలేదు: ఎయిమ్స్ అధ్య‌య‌నం

పార్టీ ప్రధాన కార్యదర్శులతో బీజేపీ చీఫ్‌ భేటీ

ట్రంప్‌ ఖాతాపై ఫేస్‌బుక్‌ రెండేళ్ల నిషేధం

రైతులతో ప్రధాని నరేంద్ర మోదీ సమావేశం

నేటి నుంచి విదేశాలకు వెళ్లే విద్యార్థులకు వ్యాక్సిన్‌

జమ్మూ కాశ్మీర్‌లో ఉగ్రవాదుల స్థావరం పేల్చివేత