ఫ్లోరిడాలో బేబీ డైనోసార్ .. కెమెరాకు చిక్కిందంటున్న‌ ఓ మ‌హిళ‌.. వీడియో

ఫ్లోరిడాలో బేబీ డైనోసార్ క‌నిపించింది. తన యార్డ్ గుండా ఒక పిల్ల‌ డైనోసార్ ప‌రిగెత్తుకుంటూ పోతున్న వీడియోను చూశాన‌ని ఓ మ‌హిళ చెప్తున్న‌ది.

April 25, 2021 / 04:46 PM IST

ఫ్లోరిడాలో బేబీ డైనోసార్ .. కెమెరాకు చిక్కిందంటున్న‌ ఓ మ‌హిళ‌.. వీడియో

ఫ్లోరిడాలో బేబీ డైనోసార్ క‌నిపించింది. తన యార్డ్ గుండా ఒక పిల్ల‌ డైనోసార్ ప‌రిగెత్తుకుంటూ పోతున్న వీడియోను చూశాన‌ని ఓ మ‌హిళ చెప్తున్న‌ది. ఆన్‌లైన్‌లో వైరల్ అయిన ఐదు సెకన్ల అస్పష్టమైన ఫుటేజ్ ద్వారా ఆమె వాదనకు మద్దతు క‌నిపిస్తున్న‌ది. త‌న యార్డులో ప‌రిగెడుతూ వెళ్తున్న బేబీ డైనోసార్ త‌న కెమెరాలకు చిక్కింద‌ని క్రిస్టినా ర్యాన్ చెప్తున్న‌ది. త‌న యార్డ్‌లో చిత్రించిన‌ వీడియోను కూడా ఆమె సోష‌ల్ మీడియాలో షేర్ చేశారు.

ఈ నెల‌ 15 వ తేదీ రాత్రి స‌మ‌యంలో త‌న యార్డ్‌లోని కెమెరాల్లో పిల్ల డైనో క‌నిపించింద‌ని, అది అచ్చం డైనోసార్ మాదిరిగా పొడవైన తోకతో ఉన్న జంతువులా కనిపించింద‌ని క్రిస్టినా ర్యాన్ వెల్ల‌డించింది.

ఈ వీడియో సోష‌ల్ మీడియాలో వైర‌ల్‌గా మారింది. ర్యాన్ వాద‌న‌ను ప‌లువురు నెటిజెన్లు కొట్టిపారేస్తున్నారు. కుక్క, నక్క మొదలైనవి కావచ్చు అని చాలామంది అంటున్నారు. అది ట‌ర్కీ మాదిరిగా క‌నిపిస్తుంద‌ని ఒక‌రు రాయ‌గా.. అది డైనోసార్ కాదు పీఫౌల్ లేదా రింగ్ మెడ ఉండే నెమ‌లి అయి ఉంటుంద‌ని ఒక నెటిజెన్ వివ‌రించారు.

కుక్క‌, న‌క్క‌ అయితే, ఆ జంతువులు ఆ విధంగా ప‌రిగెత్త‌వు క‌దా అని ర్యాన్ ప్ర‌శ్నిస్తున్నారు. నేను ‘జురాసిక్ పార్క్ సినిమాను చాలాసార్లు చూశాను, కాని రాప్టర్ లేదా ఇతర చిన్న డైనోసార్లను ఇప్పుడే చూశాను అని చెప్తున్నారావిడ‌.