ఆఫ్ఘాన్‌ ఆర్మీ పోస్టుపై దాడి.. ఐదుగురు తాలిబాన్ ఉగ్రవాదులు హ‌తం

ఆఫ్ఘనిస్తాన్ ఆర్మీ పోస్టుపై జ‌రిగిన దాడిలో ఐదుగురు తాలిబాన్ ఉగ్ర‌వాదులు హ‌త‌మ‌య్యారు.

April 25, 2021 / 02:29 PM IST

ఆఫ్ఘాన్‌ ఆర్మీ పోస్టుపై దాడి.. ఐదుగురు తాలిబాన్ ఉగ్రవాదులు హ‌తం

కాబూల్ : ఆఫ్ఘనిస్తాన్ ఆర్మీ పోస్టుపై జ‌రిగిన దాడిలో ఐదుగురు తాలిబాన్ ఉగ్ర‌వాదులు హ‌త‌మ‌య్యారు. మ‌రో ఎనిమిది మంది ఉగ్ర‌వాదులు గాయ‌ప‌డ్డారు. బాద్షా ప్రావిన్స్లోని షాహర్-ఎ-జోర్గ్ జిల్లాలో శనివారం రాత్రి ఈ ఘ‌ట‌న జ‌రిగింది. ఈ వార్త‌ల‌ను ఆఫ్ఘాన్‌కు చెందిన ప్రావిన్షియ‌ల్ పోలీసులు ధ్రువీక‌రించారు. ఆఫ్ఘాన్‌ ఆర్మీ పోస్టుపై శ‌నివారం రాత్రి దాడి జ‌రిగింది. కొన్ని గంట‌ల‌పాటు బాంబుల వ‌ర్షం కురిసింది. ఈ దాడిలో ఐదుగురు తాలిబాన్ ఉగ్రవాదులు మరణించిన‌ట్లు పోలీసులు గుర్తించారు. మ‌రో ఎనిమిది మంది గాయపడ్డారు.

మే 1 వ తేదీలోగా ఆఫ్ఘనిస్తాన్ నుంచి విదేశీ దళాలను ఉపసంహరించుకోకపోతే దాడులు ప్రారంభిస్తామని తాలిబాన్ ఉగ్రవాదులు బెదిరించిన విషయం తెలిసిందే. అయితే, సెప్టెంబ‌ర్ 11 నాటిక‌ల్లా త‌మ బ‌ల‌గాల‌ను ఉప‌సంహ‌రించుకుంటామ‌ని అమెరికా ఇప్ప‌టికే స్ప‌ష్టం చేసింది. ఈ ప్ర‌తిపాద‌న‌కు తాలిబాన్ ఉగ్ర‌వాదులు స‌సేమిరా అంటున్నారు. ట్రంప్ హ‌యాంలో త‌మ‌తో చేసుకున్న ఒప్పందం మేర‌కు మే 1 న అమెరికా త‌మ ద‌ళాల‌ను ఉప‌సంహ‌రించుకోవాలని తాలిబాన్లు డిమాండ్ చేస్తున్నారు.

ఈ నేప‌థ్యంలో అమెరికా ద‌ళాలు ఆఫ్ఘాన్ నుంచి వెళ్ల‌పోయేట్లు చేసేందుకు ఆర్మీ పోస్టుపై దాడికి తెగ‌బ‌డిన‌ట్లుగా తెలుస్తున్న‌ది. ఈ దాడి రివ‌ర్స్ అయి ఐదుగురు ఉగ్ర‌వాదులు మ‌రణించార‌ని, మ‌రో ఎనిమిది మంది తీవ్రంగా గాయ‌ప‌డిన‌ట్లు ఆఫ్ఘాన్ ప‌త్రిక‌లు తెలిపాయి.