Naresh Mhaske | అది పెళ్లికొడుకు లేని పెళ్లి ఊరేగింపు.. ఇండియా కూటమిపై శివసేన ఎంపీ కామెంట్‌

Naresh Mhaske | ఇండియా కూటమి (INDIA alliance) తీరుపై శివసేన ఎంపీ (Shiv Sena MP) నరేష్‌ మాస్కే (Naresh Mhaske) వ్యంగ్య వ్యాఖ్యలు చేశారు. కూటమిలోని ఒక్కో పార్టీ ఒక్కో ఎజెండా కలిగివుండటాన్ని ఆయన ఎద్దేవా చేశారు.

February 10, 2025 / 02:39 PM IST

Naresh Mhaske | అది పెళ్లికొడుకు లేని పెళ్లి ఊరేగింపు.. ఇండియా కూటమిపై శివసేన ఎంపీ కామెంట్‌

Naresh Mhaske : ప్రధాన ప్రతిపక్ష కూటమి (Opposition Alliance) అయిన ఇండియా కూటమి (INDIA alliance) తీరుపై శివసేన ఎంపీ (Shiv Sena MP) నరేష్‌ మాస్కే (Naresh Mhaske) వ్యంగ్య వ్యాఖ్యలు చేశారు. కూటమిలోని ఒక్కో పార్టీ ఒక్కో ఎజెండా కలిగివుండటాన్ని ఆయన ఎద్దేవా చేశారు. ఆ కూటమిలోని ఒక పార్టీ వైఖరి ఇంకో పార్టీకి నచ్చదని, ఎవరి దారి వారిదేనని వ్యాఖ్యానించారు.

ఇండియా కూటమిలో ఐక్యత కొరవడిందని, అందుకే ఆ కూటమికి ఒక నాయకత్వం లేదని నరేష్‌ మాస్కే విమర్శించారు. కూటమిలోని ప్రతి పార్టీ అధ్యక్షుడు తానే కూటమి నాయకుడు కావాలని అనుకుంటున్నారని, కాబట్టే ఆ కూటమికి నాయకత్వం అనేది లేదని అన్నారు. ఇండియా కూటమి పెళ్లి కొడుకు లేని పెళ్లి ఊరేగింపులా అనిపిస్తోందని ఆయన వ్యాఖ్యానించారు.