Red Fort | దేశ రాజధాని ఢిల్లీని వరదలు ముంచెత్తుతున్నాయి. ఢిల్లీతోపాటు (Delhi) ఎగువన కురుస్తున్న భారీ వర్షాలతో యమునా నది (Yamuna River) మహోగ్రరూపం దాల్చింది. హత్నీకుండ్ బ్యారేజీ గేట్లు ఎత్తివేయడంతో యమునా నదిలో నీటి మట్టం ఆల్టైం రికార్డు స్థాయిలో పెరుగుతోంది. ప్రమాద స్థాయిని మించి ప్రవహిస్తోంది. దీంతో ఢిల్లీలోని లోతట్టు ప్రాంతాలు పూర్తిగా జలదిగ్భందంలో చిక్కుకున్నాయి. ప్రధాన రహదారులు, వీధులు నదులను తలపిస్తున్నాయి. తాజాగా ఈ వరద ఢిల్లీలోని చారిత్రక కట్టడం ‘ఎర్ర కోట’ (Red Fort)ను కూడా తాకింది. దీంతో ఎర్రకోట చుట్టూ ఉన్న రోడ్లన్నీ మోకాళ్ల లోతు వరద నీటితో నిండిపోయాయి. కనుచూపు మేర నీరు తప్ప రోడ్డు కనిపించని దుస్థితి.
మరోవైపు యమునా నది ఈ స్థాయిలో ప్రవహించడం చరిత్రలో ఇదే తొలిసారి. 1978లో నీటి మట్టం 207.49 మీటర్లకు చేరడంతో ఢిల్లీని భారీ వరదలు ముంచెత్తాయి. ఇప్పుడు ఆ రికార్డును కూడా దాటడంతో అటు అధికారులు, ఇటు ప్రజలు తీవ్ర భయాందోళన వ్యక్తం చేస్తున్నారు. ఎర్రకోటను కూడా వరద నీళ్లు తాకడం చరిత్రలో ఇదే మొదటిసారి అని అధికారులు చెబుతున్నారు. గురువారం ఉదయం 7 గంటలకు నదిలో 208.46 మీటర్ల మేర వరద ప్రవాహం ఉంది. ప్రమాదకర స్థాయి కంటే మూడు మీటర్లు ఎగువన ప్రవహిస్తోంది.
మరోవైపు భారీ వర్షాలకు తోడు వరద ముప్పు పొంచి ఉండటంతో అధికారులు అప్రమత్తమయ్యారు. ఇప్పటికే సహాయక చర్యల నిమిత్తం 12 ఎన్డీఆర్ఎఫ్ (NDRF) బృందాలను రంగంలోకి దింపారు. లోతట్టు ప్రాంతాల్లోని ప్రజలను సురక్షిత ప్రాంతాలకు తరలిస్తున్నారు. వరద ప్రభావిత ప్రాంతాల్లో అన్ని ప్రభుత్వ, ప్రైవేటు పాఠశాలలకు సెలవు ప్రకటించారు.
#WATCH | Flood water reaches the Red Fort in Delhi. Drone visuals show the extent of the situation there. pic.twitter.com/q2g4M7yDMP
— ANI (@ANI) July 13, 2023
#Yamuna touches Red Fort#delhifloodpic.twitter.com/CvwFZgOo85
— Ganpat Teli (@gate11_) July 13, 2023
Also Read..
Viral Video | పాపులారిటీ కోసం పాకులాట.. రైల్వే ప్లాట్ ఫామ్ పై విన్యాసాలు చేసి జైలుపాలైన యువకుడు
Sadha | అందుకే పెళ్లి చేసుకోలేదు.. పెళ్లిపై సదా ఇంట్రెస్టింగ్ కామెంట్స్
Joe Biden | పొరపాటా..? గ్రహపాటా.. మరోసారి నోరు జారిన అమెరికా అధ్యక్షుడు బైడెన్..!