Watch: మహిళ జుట్టు పట్టుకున్న మగ గొరిల్లా.. ఆడ గొరిల్లా ఏం చేసిందంటే?

Male Gorilla Grabs Woman's Hair | సఫారీకి వెళ్లిన మహిళకు వింత అనుభవం ఎదురైంది. ఒక మగ గొరిల్లా ఆమె జుట్టు పట్టుకున్నది. దూరంగా ఉన్న ఆడ గొరిల్లా ఇది చూసింది. ఆ మగ గొరిల్లా వద్దకు అది వచ్చింది. మగ గొరిల్లాను దొర్లించి కొట్టింది.

July 13, 2025 / 08:47 PM IST

Watch: మహిళ జుట్టు పట్టుకున్న మగ గొరిల్లా.. ఆడ గొరిల్లా ఏం చేసిందంటే?

న్యూఢిల్లీ: సఫారీకి వెళ్లిన మహిళకు వింత అనుభవం ఎదురైంది. ఒక మగ గొరిల్లా ఆమె జుట్టు పట్టుకున్నది. (Male Gorilla Grabs Woman’s Hair) దూరంగా ఉన్న ఆడ గొరిల్లా ఇది చూసింది. ఆ మగ గొరిల్లా వద్దకు అది వచ్చింది. మగ గొరిల్లాను దొర్లించి కొట్టింది. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. కొందరు టూరిస్టులు గొరిల్లాలు ఉండే అటవీ ప్రాంతంలో సఫారీకి వెళ్లారు. ఒక మహిళా పర్యాటకురాలు మగ గొరిల్లా వద్దకు వెళ్లింది. అయితే అకస్మాత్తుగా ఆమె జుట్టును అది పట్టుకున్నది. తదేకంగా ఆ మహిళ వంక చూస్తూ ఉండిపోయింది.

కాగా, కొంతదూరంలో ఉన్న ఆడ గొరిల్లా ఇది చూసింది. దొర్లుతూ మగ గొరిల్లా వద్దకు చేరింది. అది సీరియస్‌గా చూడటంతో మగ గొరిల్లా ఆ మహిళ జుట్టును వదిలేసింది. అనంతరం ఆడ గొరిల్లా మగ గొరిల్లాపై దాడి చేసింది. దానిని దొర్లించి కొట్టింది.

మరోవైపు ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో నెటిజన్లు ఫన్నీగా కామెంట్లు చేశారు. ‘జాతులతో సంబంధం లేదు. మహిళలు దీనిని ఎప్పుడూ సహించరు’ అని ఒకరు వ్యాఖ్యానించారు. ‘అన్ని జాతులు ఒకేవిధంగా ప్రవర్తిస్తాయి. మగవారు సరసాలాడటం ఆపలేరు, ఆడవారు అసూయపడటం ఆపలేరు’ అని మరొకరు పేర్కొన్నారు. ‘మహిళా గెరిల్లాలు కూడా తమ భాగస్వామి పట్ల ఆధిపత్యాన్ని చెలాయిస్తాయి’ అని ఒకరు చమత్కరించారు.