సోమవారం 25 జనవరి 2021
National - Jan 09, 2021 , 20:59:48

మహారాష్ట్రలో 50 వేలు దాటిన కరోనా మరణాలు

మహారాష్ట్రలో 50 వేలు దాటిన కరోనా మరణాలు

ముంబై: మహారాష్ట్రలో కరోనా వ్యాప్తి కొంత తగ్గినప్పటికి ప్రతి రోజు వేలల్లో పాజిటివ్ ‌కేసులు, పదుల సంఖ్యలో కరోనా మరణాలు సంభవిస్తున్నాయి. మరోవైపు కరోనా మరణాల సంఖ్య 50 వేలు దాటాయి. శుక్రవారం నుంచి శనివారం వరకు కొత్తగా 3,581 కరోనా కేసులు, 57 మరణాలు నమోదయ్యాయి. దీంతో మహారాష్ట్రలో మొత్తం కరోనా కేసుల సంఖ్య 19,65,556కు, మరణాల సంఖ్య 50,027కు పెరిగింది. మరోవైపు గత 24 గంటల్లో 2,401 మంది కరోనా రోగులు కోలుకుని ఆసుపత్రుల నుంచి డిశ్చార్జ్ అయ్యారు. దీంతో కరోనా నుంచి కోలుకున్న వారి మొత్తం సంఖ్య 18,61,400కు చేరినట్లు ఆ రాష్ట్ర ఆరోగ్యశాఖ తెలిపింది. ప్రస్తుతం రాష్ట్రంలో 52,960 యాక్టివ్ కేసులు ఉన్నట్లు వెల్లడించింది. కాగా, దేశవ్యాప్తంగా కరోనా కేసులు, మరణాల సంఖ్యలో మహారాష్ట్ర తొలిస్థానంలో కొనసాగుతున్నది. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలం­గాణ ఆండ్రా­యిడ్ యాప్ డౌన్‌­లోడ్ చేసు­కోండి


logo