Election Manifesto | సార్వత్రిక ఎన్నికల మేనిఫెస్టోను విడుదల చేసిన కాంగ్రెస్‌

Election Manifesto | సార్వత్రిక ఎన్నికల మేనిఫెస్టోను (Election Manifesto) కాంగ్రెస్‌ పార్టీ విడుదల చేసింది. పార్టీ చీఫ్‌ మల్లికార్జున ఖర్గే ఈ మేనిఫెస్టోను విడుదల చేశారు.

Election Manifesto | సార్వత్రిక ఎన్నికల మేనిఫెస్టోను (Election Manifesto) కాంగ్రెస్‌ పార్టీ విడుదల చేసింది. పార్టీ చీఫ్‌ మల్లికార్జున ఖర్గే ఈ మేనిఫెస్టోను విడుదల చేశారు. న్యాయ్‌పత్ర-2024తో పేరుతో 48 పేజీలతో ఈ మేనిఫెస్టోను రిలీజ్‌ చేశారు. 5 న్యాయ పథకాలు, 25 గ్యారంటీలను మేనిఫెస్టోలో పొందుపరిచారు.

ముఖ్యంగా నిరుద్యోగంపై కాంగ్రెస్‌ పార్టీ ప్రత్యేక దృష్టి పెట్టింది. వచ్చే లోక్‌సభ ఎన్నికల్లో కాంగ్రెస్‌ పార్టీ అధికారంలోకి వస్తే దేశవ్యాప్తంగా కుల గణనను నిర్వహించనున్నట్లు వెల్లడించింది. శుక్రవారం ఉదయం ఢిల్లీలోని ఏఐసీసీ కార్యాలయంలో జరిగిన ఈ కార్యక్రమానికి సోనియా గాంధీ, రాహుల్‌ , చిదంబరం, కేసీ వేణుగోపాల్‌ సహా తదితర అగ్రనేతలు హాజరయ్యారు.

కాంగ్రెస్‌ మేనిఫెస్టోలోని కీలక హామీలివే..!

• యువతకు 30 లక్షల ఉద్యోగాల కల్పన
• రూ.5 వేల కోట్లతో యువతకు స్టార్టప్‌ ఫండ్
• మహాలక్ష్మి పథకం ద్వారా పేద మహిళలకు ఏడాదికి రూ.లక్ష ఆర్థిక సాయం
• విద్యా రుణాల వడ్డీ రేటు తగ్గింపు
• విద్యార్థులకు లక్ష రూపాయల ఆర్థిక సాయం
• అగ్నివీర్‌ స్కీమ్‌ రద్దు
• రైతులకు కనీస మద్దతు ధరపై హామీ
• బస్సు ప్రయాణంలో మహిళలకు రాయితీ
• సామాజిక ఆర్థిక సమానత్వం కోసం చర్యలు
• వ్యవసాయ పరికరాలకు జీఎస్టీ మినహాయింపు
• రైల్వేల ప్రైవేటీకరణ నిలిపివేత
• రైల్వే ఛార్జీల తగ్గింపు, వృద్ధులకు టికెట్లలో రాయితీ
• దేశవ్యాప్తంగా 8 కోట్ల కాంగ్రెస్‌ గ్యారెంటీ కార్డుల పంపిణీ
• కేంద్ర ప్రభుత్వ ఉద్యోగాల్లో మహిళలకు 50 శాతం రిజర్వేషన్లు
• దేశవ్యాప్తంగా కులగణన
• కులగణన తర్వాత రిజర్వేషన్ల పరిమితి పెంపునకు రాజ్యాంగ సవరణ
• 50 శాతం రిజర్వేషన్లపై పరిమితి ఎత్తివేత
• పెట్రోల్‌, డీజిల్‌ ధరల తగ్గింపు వంటి హామీలను కాంగ్రెస్‌ తన మేనిఫెస్టోలో పొందుపరిచింది.

Also Read..

Shashi Tharoor: శ‌శిథ‌రూర్ ఆస్తి 55 కోట్లు.. డిక్లేర్ చేసిన కాంగ్రెస్ ఎంపీ

KCR | రంగ‌దాంప‌ల్లిలో బీఆర్ఎస్ అధినేత కేసీఆర్‌కు ఘ‌న‌స్వాగ‌తం

KTR | ఎండ వేడిమికి రిఫ్రెష్‌.. పాఠశాల పిల్లలతో కలిసి ఫ్రూట్‌ జ్యూస్‌ తాగిన కేటీఆర్