Sharmistha Panoli | శర్మిష్ఠ పనోలికి బెయిల్‌ నిరాకరించిన కలకత్తా హైకోర్టు

Sharmistha Panoli | లకత్తా హైకోర్టు (Calcutta High Court) లో 22 ఏళ్ల న్యాయ విద్యార్థిని (Law student), ఇన్‌స్టా ఇన్‌ఫ్లూయెన్సర్‌ శర్మిష్ఠ పనోలి (Sharmistha Panoli) కి చుక్కెదురైంది. ఆమెకు బెయిల్‌ ఇచ్చేందుకు కోర్టు నిరాకరించింది.

Sharmistha Panoli : కలకత్తా హైకోర్టు (Calcutta High Court) లో 22 ఏళ్ల న్యాయ విద్యార్థిని (Law student), ఇన్‌స్టా ఇన్‌ఫ్లూయెన్సర్‌ శర్మిష్ఠ పనోలి (Sharmistha Panoli) కి చుక్కెదురైంది. ఆమెకు బెయిల్‌ ఇచ్చేందుకు కోర్టు నిరాకరించింది. దేశంలో వాక్‌ స్వాతంత్య్రం (Freedom of speech) ఉన్నదని, అయితే అది ఏ ఒక్కరి మత ప్రయోజనాల (Religious sentiments) ను దెబ్బతీయడాన్ని అనుమతించదని వ్యాఖ్యానించింది.

కేసు తదుపరి విచారణను కోర్టు జూన్‌ 5కు వాయిదా వేసింది. ఆరోజు కేసుకు డైరీని సబ్మిట్‌ చేయాలని కలకత్తా పోలీసులను ఆదేశించింది. కాగా శర్మిష్ఠ పనోలి ఆపరేషన్‌ సింధూర్‌ సందర్భంగా ఓ వీడియోను తన ఇన్‌స్టా ఖాతాలో పోస్టు చేసింది. ఆపరేషన్‌ సింధూర్‌పై బాలీవుడ్‌ ప్రముఖులు స్పందించకపోవడాన్ని ఆ వీడియోలో ప్రశ్నించింది. అయితే ఆ వీడియో ఓ మతాన్ని అవమానించేలా ఉందని విమర్శలు రావడంతో ఆమె డిలీట్‌ చేసింది. తన వీడియో ఎవరినైనా నొప్పించి ఉంటే క్షమించాలని కోరింది.

అయినా కలకత్తా పోలీసులు ఆమెపై కేసు నమోదు చేసి అదుపులోకి తీసుకున్నారు. ఆ తర్వాత ట్రయల్‌ కోర్టులో హాజరుపర్చగా జూన్‌ 13 వరకు జ్యుడీషియల్‌ రిమాండ్‌ విధించింది. ట్రయల్‌ కోర్టు ఆదేశాలను సవాల్‌ చేస్తూ పనోలి తరఫు న్యాయవాది కలకత్తా హైకోర్టులో పిటిషన్‌ వేశారు. కానీ కలకత్తా హైకోర్టు కూడా ట్రయల్ కోర్టు తీర్పునే సమర్థించింది. పనోలీకి బెయిల్‌ ఇచ్చేందుకు నిరాకరించింది.

Read More >>

ప్రశాంత్‌ కిషోర్‌పై పరువు నష్టం దావా.. ఎందుకంటే..!

సంజయ్‌ రౌత్‌ ఉండగా ఉద్ధవ్‌కు వేరే రాజకీయ శత్రువులు అక్కర్లేదు..!

ఉగ్రవాదాన్ని ప్రోత్సహించడాన్ని పాకిస్థాన్‌ ఆపేయాలి : సీడీఎస్‌ చౌహాన్‌

నేపాల్‌లో ఎయిర్‌పోర్టులో డ్రగ్స్‌తో పట్టుబడ్డ భారత పౌరుడు

పశ్చిమబెంగాల్‌లో కొత్తగా 41 మందికి కరోనా పాజిటివ్‌