Arvind Kejriwal | కేజ్రీ అరెస్ట్‌ నేపథ్యంలో దేశవ్యాప్త నిరసనలకు పిలుపునిచ్చిన ఆప్‌.. ఢిల్లీలో భద్రత కట్టుదిట్టం

Arvind Kejriwal | ఢిల్లీ ముఖ్యమంత్రి అరవింద్‌ కేజ్రీవాల్‌ (Arvind Kejriwal) అరెస్ట్‌ నేపథ్యంలో బీజేపీకి వ్యతిరేకంగా దేశవ్యాప్తంగా ఆందోళనలకు ఆప్‌ పిలుపునిచ్చింది (AAP protest).

Arvind Kejriwal | ఢిల్లీ మద్యం కుంభకోణం కేసు (Delhi excise policy Case)లో ఆమ్‌ ఆద్మీ పార్టీ చీఫ్‌, ఢిల్లీ ముఖ్యమంత్రి అరవింద్‌ కేజ్రీవాల్‌ (Arvind Kejriwal)ను ఎన్‌ఫోర్స్‌మెంట్‌ డైరెక్టరేట్‌ (Enforcement Directorate) అధికారులు గురువారం రాత్రి అరెస్ట్‌ చేసిన విషయం తెలిసిందే. సీఎం అరెస్ట్‌ను ఆమ్‌ ఆద్మీ పార్టీ తీవ్రంగా ఖండించింది. ఈ మేరకు తమ సుప్రిమో అరెస్ట్‌ నేపథ్యంలో బీజేపీకి వ్యతిరేకంగా దేశవ్యాప్తంగా ఆందోళనలకు పిలుపునిచ్చింది (AAP protest).ఈ నిరసనలకు ఇండియా కూటమిని కూడా ఆహ్వానించింది.

మరోవైపు కేజ్రీ అరెస్ట్‌కు వ్యతిరేకంగా ఆప్‌ నిరసనలు చేపట్టేందుకు సిద్ధమైన నేపథ్యంలో పోలీసులు అలర్ట్‌ అయ్యారు. ఢిల్లీ వ్యాప్తంగా భద్రతను కట్టుదిట్టం చేశారు. ఈడీ ప్రధాన కార్యాలయంతోపాటు సీఎం నివాసం, బీజేపీ ఆఫీసుల ఎదుట భారీగా బలగాలు మోహరించారు. మరోవైపు ఢిల్లీలోని ఐటీఓ మెట్రో స్టేషన్‌ను ఈ సాయంత్రం వరకూ మూసివేస్తున్నట్లు అధికారులు వెల్లడించారు. ఇప్పటికే ఆందోళన చేస్తున్న పలువురికి పోలీసులు అదుపులోకి తీసుకుంటున్నారు.

#WATCH | Aam Aadmi Party (AAP) workers protest against the ED arrest of CM Arvind Kejriwal in Delhi pic.twitter.com/vn77A6KGkg

— ANI (@ANI) March 22, 2024

రాత్రంతా లాకప్‌లోనే..

కేజ్రీవాల్‌ను రాత్రంతా ఈడీ కార్యాలయంలోని గ్రౌండ్‌ ఫ్లోర్‌లో ఉన్న లాకప్‌లో ఉంచినట్లు (ED lockup) తెలిసింది. అయితే రాత్రి కేజ్రీవాల్‌ను అధికారులు ఎలాంటి ప్రశ్నలూ వేయలేదని సంబంధిత వర్గాలు వెల్లడించాయి. రాత్రంతా కేజ్రీ సరిగా నిద్రపోలేదని, తెల్లవారుజామునే నిద్రలేచి అల్పాహారం, మందులు తీసుకున్నట్లు పేర్కొన్నారు.

మరోవైపు కేజ్రీవాల్‌ను వైద్య పరీక్షల అనంతరం మరికాసేపట్లో ప్రత్యేక కోర్టులో హాజరుపరచనున్నారు. విచారణ కోసం ఈడీ అధికారులు 10 రోజులపాటు కస్టడీ కోరే అవకాశం ఉంది. ఇదిలా ఉండగా.. అరెస్ట్‌ నుంచి రక్షణ కల్పించలేమని హైకోర్టు ఇచ్చిన తీర్పుపై కేజ్రీవాల్‌ తరపు న్యాయవాదులు సుప్రీంను ఆశ్రయించిన విషయం తెలిసిందే. ఈ అంశంపై నేడు అత్యవసర విచారణ చేపట్టే అవకాశం ఉంది.

Also Read..

Arvind Kejriwal | రాత్రంతా లాకప్‌లోనే కేజ్రీవాల్‌.. 10 రోజులు కస్టడీ కోరే అవకాశం

Arvind Kejriwal | పదవిలో ఉండి అరెస్టయిన మొదటి సీఎం కేజ్రీవాల్‌

Arvind Kejriwal | జైల్లో ఉన్నా కేజ్రీనే ఢిల్లీ ముఖ్యమంత్రి