Arvind Kejriwal | ఢిల్లీ మద్యం కుంభకోణం కేసు (Delhi excise policy Case)లో ఆమ్ ఆద్మీ పార్టీ చీఫ్, ఢిల్లీ ముఖ్యమంత్రి అరవింద్ కేజ్రీవాల్ (Arvind Kejriwal)ను ఎన్ఫోర్స్మెంట్ డైరెక్టరేట్ (Enforcement Directorate) అధికారులు గురువారం రాత్రి అరెస్ట్ చేసిన విషయం తెలిసిందే. అరెస్ట్ అనంతరం రామ్ మనోహర్ లోహియా వైద్యుల బృందం కేజ్రీవాల్కు వైద్య పరీక్షలు నిర్వహించారు. అనంతరం దేశ రాజధానిలోని ఈడీ కార్యాలయానికి ఆయన్ని తరలించారు. అయితే కేజ్రీవాల్ను రాత్రంతా ఈడీ కార్యాలయంలోని గ్రౌండ్ ఫ్లోర్లో ఉన్న లాకప్లో ఉంచినట్లు (ED lockup) తెలిసింది.
అయితే రాత్రి కేజ్రీవాల్ను అధికారులు ఎలాంటి ప్రశ్నలూ వేయలేదని సంబంధిత వర్గాలు వెల్లడించాయి. రాత్రంతా కేజ్రీ సరిగా నిద్రపోలేదని, తెల్లవారుజామునే నిద్రలేచి అల్పాహారం, మందులు తీసుకున్నట్లు పేర్కొన్నారు. మరికాసేపట్లో కేజ్రీని ప్రత్యేక కోర్టులో హాజరుపరిచి, విచారణ కోసం 10 రోజులపాటు కస్టడీ కోరనున్నట్లు సదరు వర్గాలు వెల్లడించాయి. ఇదిలా ఉండగా.. అరెస్ట్ నుంచి రక్షణ కల్పించలేమని హైకోర్టు ఇచ్చిన తీర్పుపై కేజ్రీవాల్ తరపు న్యాయవాదులు సుప్రీంను ఆశ్రయించిన విషయం తెలిసిందే. ఈ అంశంపై నేడు అత్యవసర విచారణ చేపట్టే అవకాశం ఉంది.
Also Read..
Bhagwant Mann | మీరు కేజ్రీవాల్ను అరెస్టు చేయగలరు.. ఆయన ఆలోచనను కాదు: పంజాబ్ సీఎం భగవంత్ మాన్
Arvind Kejriwal | పదవిలో ఉండి అరెస్టయిన మొదటి సీఎం కేజ్రీవాల్
Arvind Kejriwal | జైల్లో ఉన్నా కేజ్రీనే ఢిల్లీ ముఖ్యమంత్రి