స్టైలిష్ స్టార్ అల్లు అర్జున్కు రికార్డులు కొత్త కాదు. గతంలో ఆయన సినిమాకు సంబంధించిన పోస్టర్స్, టీజర్స్, ట్రైలర్ ఎన్నో రికార్డులు క్రియేట్ చేశాయి. తాజాగా పుష్ప టీజర్ సరికొత్త రికార్డ్ సృష్టించి వావ్ అనిపించింది. బన్నీ బర్త్ డే సందర్భంగా ఏప్రిల్ 7న పుష్ప టీజర్ రిలీజ్ చేశారు. ఇందులో ఊరమాస్ లుక్లో కనిపించి అందరిని ఆశ్చర్యపరిచాడు బన్నీ. అంతేకాదు దేవి శ్రీ ప్రసాద్ అందించిన బ్యాక్ గ్రౌండ్ స్కోర్ కూడా టీజర్కు ఇంత మంచి రెస్పాన్స్ రావడంలో భాగం అయింది.
పుష్ప టీజర్ రికార్డలు ప్రభంజనం సృష్టిస్తూనే ఉంది. తాజాగా ఈ టీజర్ ఈ టీజర్ యూట్యూబ్లో 50 మిలియన్ల వ్యూస్ను అందుకోగా 1.2 మిలియన్ లైక్స్ను సంపాదించింది . 50 మిలియన్ల వ్యూస్ మార్క్ను షార్ట్ టైంలో చేరుకున్న తెలుగు టీజర్గా ‘పుష్ప’ రికార్డుకెక్కింది. ఈ విషయాన్ని మైత్రి మూవీ మేకర్స్ ప్రకటించడంతో ఫ్యాన్స్ ఫుల్ ఖుష్ అవుతున్నారు. అయితే రామరాజు ఫర్ భీమ్ వీడియో 50 మిలియన్ల వ్యూస్ను చేరుకునేందుకు 6 నెలలు పడితే, బన్నీ పుష్ప టీజర్కు కేవలం 20 రోజులు మాత్రమే పట్టడం విశేషం.
ఇవికూడా చదవండి..