Lok Sabha | 17వ లోక్‌సభలో అత్యధిక ప్రశ్నలు వేసిన 10 మంది ఎంపీలు ఎవరో తెలుసా..?

Lok Sabha | 2019 సార్వత్రిక ఎన్నికల తర్వాత ఏర్పడిన 17వ లోక్‌సభ (Lok Sabha) పదవీ కాలం జూన్‌ 16, 2024తో ముగియనుంది. ఈ నేపథ్యంలో 17వ లోక్‌సభకు సంబంధించిన ఆసక్తికర సమాచారాన్ని అసోసియేషన్ ఆఫ్ డెమోక్రటిక్ రిఫార్మ్స్ తాజాగా వెల్లడించింది.

Lok Sabha | 2019 సార్వత్రిక ఎన్నికల తర్వాత ఏర్పడిన 17వ లోక్‌సభ (Lok Sabha) పదవీ కాలం జూన్‌ 16, 2024తో ముగియనుంది. ఆ తర్వాత 18వ లోక్‌సభ కొలువుదీరనుంది. కేంద్ర ఎన్నికల సంఘం సార్వత్రిక ఎన్నికల తేదీలను కూడా రిలీజ్‌ చేసింది. ఏప్రిల్ 19 నుంచి జూన్ 1 వరకు 7 విడతల్లో ఓటింగ్ ప్రక్రియ కొనసాగనుంది. జూన్ 4న ఫలితాలు వెల్లడించననుంది. దీంతో ఇప్పటికే అన్ని పార్టీలు ఎన్నికలకు సిద్ధమయ్యాయి.

ఇక 17వ లోక్‌సభ 2019 – 24 వరకూ ఐదేళ్ల పదవీకాలంలో కొనసాగిన విషయం తెలిసిందే. కేంద్రంలోని ఎన్డీయే సర్కార్‌ ఈ ఐదేళ్లలో పలు కీలక నిర్ణయాలు తీసుకుంది. ఈ నేపథ్యంలో 17వ లోక్‌సభకు సంబంధించిన ఆసక్తికర సమాచారాన్ని అసోసియేషన్ ఆఫ్ డెమోక్రటిక్ రిఫార్మ్స్ తాజాగా వెల్లడించింది. ఈ ఐదేళ్ల పదవీకాలంలో దిగువ సభ మొత్తం 15 సమావేశాలను నిర్వహించినట్లు అసోసియేషన్ ఆఫ్ డెమోక్రటిక్ రిఫార్మ్స్ (Association of Democratic Reforms) తెలిపింది. ఏడాదికి 55 రోజులు ఈ సమావేశాలు జరిగినట్లు పేర్కొంది.

ఈ ఐదేళ్లలో మొత్తం 505 మంది ఎంపీలు సుమారుగా 92,271 ప్రశ్నలు సంధించారు. ఒక్కో సభ్యుడు సగటున 315 ప్రశ్నలు సంధించినట్లు అసోసియేషన్‌ ఆఫ్‌ డెమోక్రటిక్‌ రిఫార్మ్స్‌ తెలిపింది. ఇక ఈ ఐదేళ్లలో లోక్‌సభలో అధిక ప్రశ్నలు (Most Questions) వేసిన ఎంపీల్లో బీజేపీ నేతలో అగ్రస్థానంలో ఉన్నారు.

17వ లోక్‌సభలో అత్యధిక ప్రశ్నలు అడిగిన టాప్‌ 10 పార్లమెంటేరియన్లు..

• సుకాంత మజుందార్ (బీజేపీ) – బాలూర్‌ఘాట్ నియోజకవర్గం – 596 ప్రశ్నలు
• సుధీర్ గుప్తా (బీజేపీ) – మందసౌర్ నియోజకవర్గం – 586 ప్రశ్నలు
• బిద్యుత్ బరన్ మహతో (బీజేపీ) – జంషెడ్‌పూర్ నియోజకవర్గం – 580 ప్రశ్నలు
• శ్రీరంగ్ అప్ప బర్నే (శివసేన) – మావల్ నియోజకవర్గం – 579 ప్రశ్నలు
• సుప్రియా సూలే (నేషనల్‌ కాంగ్రెస్‌ పార్టీ) – బారామతి నియోజకవర్గం – 577 ప్రశ్నలు
• అమోల్ రాంసింగ్ కోల్హే (నేషనల్‌ కాంగ్రెస్‌ పార్టీ) – షిరూర్ నియోజకవర్గం – 570 ప్రశ్నలు
• సుభాష్ రాంరావ్ భామ్రే (బిజెపి) – ధూలే నియోజకవర్గం – 556 ప్రశ్నలు
• కుల్దీప్ రాయ్ శర్మ (కాంగ్రెస్‌ పార్టీ) – అండమాన్ మరియు నికోబార్ దీవుల నియోజకవర్గం – 555 ప్రశ్నలు
• సంజయ్ సదాశివరావు మాండ్లిక్ (శివసేన) – కొల్హాపూర్ నియోజకవర్గం – 553 ప్రశ్నలు
• గజానన్ చంద్రకాంత్ కీర్తికర్ (శివసేన) – ముంబై-నార్త్-వెస్ట్ నియోజకవర్గం – 531 ప్రశ్నలు

Also Read..

Arvind Kejriwal | ఈడీ కస్టడీలో క్షీణించిన కేజ్రీవాల్‌ ఆరోగ్యం.. ఆప్‌ ఆందోళన..!

Gaza | గాజాలో దయనీయం.. ఆహారం చేజిక్కించుకునేందుకు వెళ్లి 18 మంది మృతి

Nelore cow | వేలంలో రూ.40 కోట్లకు అమ్ముడుపోయిన నెల్లూరు ఆవు.. ప్రపంచంలోనే అత్యంత ఖ‌రీదైనదిగా రికార్డు