కేవైసీపై అవగాహనకు బీబీనగర్‌లో వాక్‌థాన్

ఆర్‌బిఐ ఆదేశాల మేరకు ఆర్థిక అక్షరాస్యత వారోత్సవాల్లో భాగంగా కేవైసీ సురక్షిత బ్యాంకింగ్‌ మీ తొలి అడుగు అనే అంశంతో బీబీనగర్‌ గ్రామంలో మంగ‌ళ‌వారం వాక్‌ థాన్‌ నిర్వహించారు.

బీబీనగర్‌, ఫిబ్రవరి 10 : ఆర్‌బిఐ ఆదేశాల మేరకు ఆర్థిక అక్షరాస్యత వారోత్సవాల్లో భాగంగా కేవైసీ సురక్షిత బ్యాంకింగ్‌ మీ తొలి అడుగు అనే అంశంతో బీబీనగర్‌ గ్రామంలో మంగ‌ళ‌వారం వాక్‌ థాన్‌ నిర్వహించారు. ఈ సందర్భంగా మహిళా సంఘం సభ్యులు, గ్రామ ప్రజలకు కేవైసీ ప్రాముఖ్యత, సైబర్‌ నేరాలపై జాగ్రత్తలు, సురక్షిత బ్యాంకింగ్‌ విధానాలు గురించి అవగాహన కల్పించారు. మోసాల నుండి రక్షణకు తీసుకోవాల్సిన చర్యలను వివరించారు. ఈ కార్యక్రమంలో ఆర్‌బిఐ ఏజిఎం లక్ష్మీ శ్రావ్య, లీడ్‌ బ్యాంక్‌ మేనేజర్‌ శివ రామకృష్ణ, ఎంపీడీఓ శ్రీనివాస్ రెడ్డి, సెర్ప్ డీపీఎం(ఫైనాన్స్​‍) వెంకటేశం, బీబీనగర్‌ ఏపీఎం మీనా, సీసీలు శ్రీలత, నర్మద, సమత, సీబీఓ ఆడిటర్‌ మాధవి, ఎంఎస్ అధ్యక్షురాలు ప్రజావాణి, పంచాయతీ కార్యదర్శి జాకీరోద్దిన్‌, వివిధ బ్యాంకుల బ్రాంచ్‌ మేనేజర్లు, సీఎఫ్‌ఎల్‌ కౌన్సెలర్లు, మహిళా సంఘాల సభ్యులు పాల్గొన్నారు.