న్యూఢిల్లీ: విదేశాల నుంచి దిగుమతి చేసుకున్న కొవిడ్ వ్యాక్సిన్లను కేవలం ప్రైవేట్ మార్కెట్లోనే అమ్మనున్నారు. ప్రభుత్వం కొత్త సరళీకృత వ్యాక్సిన్ విధానం ప్రకారం, దిగుమతి చేసుకున్న అన్ని కొవిడ్-19 వ్యాక్సిన్లు ప్రభుత్వ టీకా కార్యక్రమంలో భాగం అయ్యే అవకాశం లేదు. వీటిని పూర్తిగా ప్రైవేట్ మార్కెట్లో విక్రయించనున్నారు.
“దిగుమతి చేసుకున్న వ్యాక్సిన్ను పూర్తిగా భారత ప్రభుత్వ ఛానెల్లో కాకుండా ప్రైవేట్గా వినియోగించుకునేందుకు అనుమతించబడుతుంది” అని ఫేజ -3 ఇనాక్యులేషన్ డ్రైవ్ పాలసీపత్రంలో పేర్కొన్నారు. స్థానిక వ్యాక్సిన్ తయారీదారులు తమ నెలవారీ మోతాదులో 50 శాతం కేంద్ర ప్రభుత్వానికి, మిగిలిన వ్యాక్సిన్లను రాష్ట్ర ప్రభుత్వాలతోపాటు బహిరంగ మార్కెట్లో అమ్ముకోవచ్చు అని ఈ పాలసీపత్రంలో తెలిపారు. మూడవ దశ టీకాల కింద 18 ఏండ్ల వయసు పైబడిన వారందరికీ మే 1 నుంచి టీకాలు వేసుకోవచ్చని కేంద్ర ప్రభుత్వం సూచించింది.
దేశంలో లభించే మొదటి కొవిడ్-19 వ్యాక్సిన్ రష్యాకు చెందిన స్పుత్నిక్ వీ కావచ్చు, ఎందుకంటే డాక్టర్ రెడ్టీస్ ల్యాబ్స్ సంస్థ ప్రస్తుత త్రైమాసికంలోనే ఈ వ్యాక్సిన్ను విడుదల చేయాలని చూస్తున్నది. దేశంలో వ్యాక్సిన్ను పరిమితం చేయడం కోసం కంపెనీ ఇటీవల డ్రగ్ కంట్రోలర్ జనరల్ ఆఫ్ ఇండియా (డీజీసీఐ) నుంచి అనుమతి కూడా తీసుకున్నది. టీకాల మొదటి రోల్ అవుట్ వచ్చే నెలలో ప్రారంభమయ్యే అవకాశాలు ఉన్నాయి.
మన దేశంలో లభించే ఇతర దిగుమతి టీకాలు జాన్సన్ అండ్ జాన్సన్, నోవావాక్స్ కావచ్చు. ఎందుకంటే,
దేశంలో సింగిల్-డోస్ కొవిడ్ టీకాపై అధ్యయనం చేయడానికి అనుమతి కోసం జాన్సన్ అండ్ జాన్సన్ సంస్థ ఇప్పటికే భారతదేశం ఔషధ నియంత్రణ సంస్థను సంప్రదించారు. కాగా, నోవావాక్స్ యొక్క వ్యాక్సిన్ కోవోవాక్స్ ను సీరం ఇన్స్టిట్యూట్ ఆఫ్ ఇండియా సంయుక్తంగా అభివృద్ధి చేస్తున్నది. దాని 2,3 వ దశ క్లినికల్ ట్రయల్స్ను ఇటీవలనే ప్రారంభించింది.
అమెరికా, యూరప్, బ్రిటన్ లేదా జపాన్లోని డబ్ల్యూహెచ్ఓ లేదా రెగ్యులేటర్లు క్లియర్ చేసిన విదేశాల్లో ఉత్పత్తి చేసిన వ్యాక్సిన్ల కోసం అత్యవసర ఆమోదాలను వేగంగా ట్రాక్ చేస్తామని గత వారం ప్రభుత్వం తెలిపింది.
డబుల్ మాస్క్ ఎందుకు వాడాలి..?
కొవిడ్ సెకండ్ వేవ్ భిన్నం.. వచ్చే 4 వారాలు ఎందుకు కీలకమంటే..?
ఇద్దరు గూండాలకు పశ్చిమ బెంగాల్ను వదలను : మమతా బెనర్జీ
అమెరికా దౌత్యవేత్తలకు రష్యా దేశ బహిష్కరణ
సౌదీ ఎయిర్బేస్పై దాడి మా పనే: హైతీ తిరుగుబాటుదారులు
అంగారకుడిపై నాసా ఆక్సిజన్ ఉత్పత్తి
మొక్కల పెంపకంపై గూగుల్ డూడుల్
పాకిస్తాన్లో శాంతిని భారత్ కోరుకోవడం లేదు : పాక్ మంత్రి షేక్ రషీద్
రష్యా తురుపుముక్క లెనిన్.. చరిత్రలో ఈరోజు
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..