Nano Urea | నానో యూరియా వాడకంతో తక్కువ ఖర్చు, ఎక్కువ లాభాలు : వ్యవసాయ శాఖ ఏడిఏ బాబు నాయక్

Nano Urea | మంగళవారం రాయపోల్ మండల కేంద్రంలో రైతులకు నానో యూరియా వాడకంపై గజ్వేల్ డివిజన్ వ్యవసాయ శాఖ ఏడిఏ బాబు నాయక్ అవగాహన కల్పించారు. ఈ సందర్భంగా ఆయన మాట్లాడుతూ ప్రయోజనాలు, వినియోగించే విధానాలను వివరించారు.

Nano Urea | రాయపోల్, జులై 22 : నానో యూరియా వాడడం వల్ల తక్కువ ఖర్చుతో ఎక్కువ లాభాలు పొందవచ్చునని మండల ప్రత్యేక అధికారి, గజ్వేల్ డివిజన్ వ్యవసాయ శాఖ ఏడిఏ బాబు నాయక్ అన్నారు. మంగళవారం మండల కేంద్రంలో రైతులకు నానో యూరియా వాడకంపై అవగాహన కల్పించారు. ఈ సందర్భంగా ఆయన మాట్లాడుతూ.. ప్రయోజనాలు, వినియోగించే విధానాలను వివరించారు.

1. ప్రయోజనాలు:

* నైట్రోజన్ వినియోగ సామర్థ్యాన్ని గణనీయంగా పెంచుతుంది.

* మొక్కల పెరుగుదల, ధారాళమైన దిగుబడి, మరియు నాణ్యతను మెరుగుపరుస్తుంది.

* సాధారణ యూరియాపై ఆధారాన్ని తగ్గించి, వ్యయాన్ని తగ్గిస్తుంది.

* పర్యావరణహితం – నైట్రోజన్ లీచింగ్ తగ్గి మట్టి మరియు నీటి కాలుష్యం తగ్గుతుంది.

2. వినియోగ విధానం:

* ప్రధాన పంట దశల్లో వాడితే మెరుగైన ఫలితాలు అందుతాయి (ఉదాహరణకు: తొలకరి, పుష్పించు దశ).

* మోతాదు: 1 లీటర్ నీటికి 2 నుంచి 4 మిల్లీ లీటర్లు స్ప్రే చేయాలి.

* ప్రతి పంట కాలంలో 2 సార్లు ఉపయోగించడం ఉత్తమం.

3. అనుకూల పంటలు:

* వరి, గోధుమ, పత్తి, మక్కజొన్న, కూరగాయలు, పప్పుదినుసులు, మరియు నూనె గింజల పంటలు.

4. అదనపు సమాచారం:

500 మిల్లీ బాటిల్ రూపంలో అందుబాటులో ఉంది – ఇది ఒక యూరియా బస్తాకు సమానమన్నారు.
వ్యవసాయ రంగం నుండి వచ్చే హరిత గృహ వాయువుల ఉద్గారాలు తగ్గించడంలో సహాయపడుతుందని ఏడిఏ బాబు నాయక్ వివరించారు. ఈ కార్యక్రమంలో మండల వ్యవసాయ అధికారి ఆర్ నరేష్, వ్యవసాయ విస్తరణ అధికారులు, ఇఫ్కో ప్రతినిధి చంద్రబాబు రైతులు పాల్గొన్నారు.

Read Also :

Kanwar Yatra: క‌న్వ‌ర్ యాత్ర మార్గాల్లోని హోట‌ళ్లు లైసెన్సులు డిస్‌ప్లే చేయాలి: సుప్రీంకోర్టు

TTD key decisions | టీటీడీ కీలక నిర్ణయాలు.. సైబర్‌ క్రైమ్‌ లాబ్‌ ఏర్పాటుకు గ్రీన్‌ సిగ్నల్‌

Crime news | అత్యాచారం చేశాడంటూ డెలివరీ బాయ్‌పై మహిళా టెక్కీ తప్పుడు ఫిర్యాదు.. తర్వాత ఏమైందంటే..!