coronavirus instructions : ఇప్పుడు కరోనా అందర్నీ వణికిస్తుంది ! కరోనా బారిన పడకుండా ఉండేందుకు ఇప్పటికే దాదాపు అందరూ జాగ్రత్తలు తీసుకుంటున్నారు. అయితే కరోనా సోకకుండా జాగ్రత్తలు తీసుకోవడం ఎంత అవసరమో.. కరోనా బారిన పడినప్పుడు, వైరస్ నుంచి కోలుకున్న తర్వాత కూడా అంతే జాగ్రత్తలు తీసుకోవడం అంతే ముఖ్యం. కొవిడ్-19 సోకినప్పుడు శారీరకంగానే కాకుండా మానసికంగానూ దాని ప్రభావం ఉంటుంది. కరోనా వైరస్ నుంచి తొందరగానే కోలుకున్నా.. ఆ భయం తాలుకూ ఎఫెక్ట్ నుంచి మానసికంగా కోలుకోవాలంటే చాలా రోజులే పడుతుంది. కాబట్టి కరోనా నుంచి కోలుకున్న తర్వాత శారీరకంగానే కాకుండా మానసికంగానూ దృఢంగా ఉండటం చాలా అవసరం. ఇందుకోసం ఎలాంటి జాగ్రత్తలు తీసుకోవాలో ఇప్పుడు చూద్దాం..
ఈ సమయంలో రోగ నిరోధక శక్తిని పెంచుకోవడం చాలా అవసరం. వైరస్ నుంచి కోలుకోవడానికి, కోలుకున్న తర్వాత కూడా ఇమ్యూనిటీని కాపాడుకోవడం ముఖ్యం. దీనికోసం ఆహారపు అలవాట్లను కచ్చితంగా పాటించాలి.
కార్బొహైడ్రేట్లు ఎక్కువగా ఉండే ఆహారం తీసుకోవాలి. దీనివల్ల శరీరానికి కావాల్సిన శక్తి అందుతుంది. ఇందుకోసం అన్నం, గోధుమలు, మొక్కజొన్న వంటి తృణధాన్యాలతో పాటు నూనెలు, చక్కెరలను ఆహారంగా తీసుకోవాలి.
పప్పులు, గుడ్లు, చికెన్, చేపలు, మాంసం, పాలు, పాల ఉత్పత్తులను ఆహారంగా తీసుకోవడం వల్ల శరీరానికి కావాల్సిన ప్రోటీన్లు అందుతాయి. దీనివల్ల ఇన్ఫెక్షన్లను ఎదుర్కొనే రోగ నిరోధక శక్తి కణాలు పెరుగుతాయి.
రోగనిరోధక శక్తిని పెంచడంలో విటమిన్లు, ఖనిజాలు కీలక పాత్ర పోషిస్తాయి. విటమిన్ ఏ, విటమిన్ ఈ, విటమిన్ సీతో పాటు జింక్, కాపర్, ఐరన్ సెలినియం వంటి ఖనిజాలు ఇమ్యూనిటీని పెంచుతాయి. వీటికోసం సీజనల్ ఫ్రూట్స్తో పాటు సిట్రస్ లభించే పండ్లు, కూరగాయలను ఎక్కువగా ఆహారంగా తీసుకోవాలి.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
ఒక్క మాస్క్ సరిపోదా? రెండు మాస్కులు కచ్చితంగా వాడాలా?
Covid-19 deaths : కరోనా మృతుల అంత్యక్రియలకు వెళ్లొచ్చా? లేదా?
Corona Vaccine: వ్యాక్సిన్ తొలి డోసు తీసుకున్న తర్వాత రెండో డోసు ఎప్పుడు తీసుకోవాలి?
బోర్లా పడుకుంటే ఆక్సిజన్ లెవల్స్ పెరుగుతాయా.. ఆ వైరల్ వీడియోలో నిజమెంత?
Corona effect : ఆక్సిజన్ లెవల్స్ ఎలా పెంచుకోవాలి
Corona Effect | శ్మశాన వాటికలకు హౌస్ ఫుల్ బోర్డులు..
COVID-19 Lung Damage : ఊపిరితిత్తుల మాట వినండి!