Venkatesh Sagar | పోషకాహారం అందిస్తేనే ఆరోగ్యవంతులుగా పిల్లలు: ఎఫ్‌సీఐ మేనేజర్ వెంకటేశ్‌ సాగర్

పిల్లలకు ఎదిగే దశలో చదువు జ్ఞానాన్ని అందిస్తుందని అందుకే వారికి చిన్నతనం నుంచే మంచి పౌష్టికరమైన ఆహారం అందించాలని ఎఫ్‌సీఐ మేనేజర్ వెంకటేశ్‌ సాగర్ అన్నారు. జిల్లా కేంద్రమైన పెద్దపల్లి పట్టణంలోని శాంతి నగర్ అంగన్‌వాడీ కేంద్రాన్ని అధికారులతో కలిసి సందర్శించారు.

పెద్దపల్లి రూరల్, ఏప్రిల్ 26: పిల్లలకు ఎదిగే దశలో చదువు జ్ఞానాన్ని అందిస్తుందని అందుకే వారికి చిన్నతనం నుంచే మంచి పౌష్టికరమైన ఆహారం అందించాలని ఎఫ్‌సీఐ మేనేజర్ వెంకటేశ్‌ సాగర్ అన్నారు. జిల్లా కేంద్రమైన పెద్దపల్లి పట్టణంలోని శాంతి నగర్ అంగన్‌వాడీ కేంద్రాన్ని అధికారులతో కలిసి సందర్శించారు. ఈ సందర్భంగా ఆయన పలు సూచనలు చేశారు. పిల్లలకు ఇవ్వాల్సిన డైట్ ఆహారంతో పాటు సిబ్బంది తీసుకోవాల్సిన జాగ్రత్తలపై అవగాహన కల్పించారు. అనంతరం చిన్నారులకు పండ్లు, బ్రెడ్, బిస్కెట్లు పంపిణీ చేశారు. ఈ కార్యక్రమంలో స్థానిక ఎఫ్‌సీఐ సిబ్బంది ఆకుల రాజేష్, అసిస్టెంట్ మేనేజర్ విష్ణు వర్ధన్, మహేందర్, సాయి కళ్యాణ్, తిరుపతి, లయన్స్ క్లబ్ ఆఫ్ చార్టర్ ప్రెసిడెంట్, మాజీ కౌన్సిలర్ లైశెట్టి భిక్షపతి, అంగన్‌వాడీ కేంద్రం టీచర్ అనిత, సిబ్బంది పాల్గొన్నారు.