Visit:
టేకులపల్లి, మార్చి 4: ‘మీరు బీఆర్ఎస్ వాళ్లారా..’ అంటూ దుర్భాషలాడుతూ టేకులపల్లి సీఐ తమను కొట్టారని భద్రాద్రి జిల్లా టేకులపల్లి మండలం తొమ్మిదోమైల్ తండావాసులు ఆరోపించారు. తాము హోలీ ఆడుకుంటున్నామని చెప్పినా సీఐగా యాలయ్యేలా కొట్టారని పేర్కొన్నారు. తండావాసులు బుధవారం మీడియాతో మాట్లాడారు. గ్రామస్తులు, యువకులు కలిసి మంగళవారం రాత్రి హోలీ ఆడుకుంటున్న సమయంలో సీఐ బత్తుల సత్యనారాయణ వాహనంలో గ్రామానికి వచ్చారు. వచ్చీరాగానే.. హోలీ ఆడుకుంటున్న గ్రామస్తులను దుర్భాషలాడుతూ విచక్షణారహితంగా కొట్టారు. ‘అకారణంగా మమ్మల్నెందుకు కొడుతున్నారు సార్..’ అంటూ ప్రశ్నించిన యువకులపై ‘మీరు బీఆర్ఎస్ వాళ్లారా..’ అంటూ కొట్టడంతో వాతలు ప డ్డాయి. ‘గ్రామంలో ఎవరో ఘర్షణ పడితే మమ్మల్నెందుకు కొడుతున్నారు సార్’ అన్నా వినలేదని ఆవేదన వ్యక్తంచేశారు. బుధవారం ఉదయం యువకులతో వస్తే సీఐ గానీ, ఎస్సై గానీ స్టేషన్లో లేరని పేర్కొన్నారు. అకారణంగా కొట్టడమే గాక కేసు లు పెట్టి, స్టేషన్కు తీసుకెళ్లారని చెప్పారు.
