వాషింగ్టన్: అమెరికాకు చెందిన ఫైజర్, మెడెర్నా కోవిడ్ టీకాలు అత్యంత ప్రభావంతంగా పనిచేస్తున్నాయి. ఆ టీకాలకు సంబంధించి తొలి డోసు తీసుకున్న రెండు వారాల్లోనే ఇన్ఫెక్షన్ రేటు 80 శాతం తగ్గినట్లు ఓ అధ్యయనంలో తేలింది.
సోమవారం రోజున ఆ అధ్యయన ఫలితాలను రిలీజ్ చేశారు. ఇక రెండవ డోసు తీసుకున్న రెండు వారాల తర్వాత ఇన్ఫెక్షన్ రిస్క్ 90 శాతం తగ్గినట్లు ఆ సర్వే చెప్పింది. సుమారు నాలుగు వేల మందిపై నిర్వహించిన స్టడీ ఆధారంగా ఈ విషయాన్ని తేల్చారు. అమెరికాకు చెందిన అంటువ్యాధుల నియంత్రణ సంస్థ( సీడీసీ) ఈ సర్వే చేపట్టింది.
వైరస్ ఇన్ఫెక్షన్ను నియంత్రించేందుకు వ్యాక్సిన్ ఎంత సామర్థ్యంతో పనిచేస్తుందన్న కోణంలో స్టడీ నిర్వహించారు. దేశవ్యాప్తంగా నిర్వహిస్తున్న వ్యాక్సినేషన్ సంపూర్ణంగా పనిచేస్తున్నట్లు తమ అధ్యయనంలో తేలిందని సీడీసీ డైరక్టర్ రొచెల్లా వాలెన్స్కీ తెలిపారు.
ఇవి కూడా చదవండి..