Varun Tej | మెగా ప్రిన్స్ వరుణ్ తేజ్, లావణ్య త్రిపాఠి పెండ్లి పీటలు ఎక్కబోతున్నారని కొద్దిరోజులుగా ఫిలిం ఇండస్ట్రీలో వార్తలు వినిపిస్తున్నాయి. మొన్నటికి మొన్న వీరిద్దరి ఎంగేజ్మెంట్ కూడా ఫిక్సయ్యిందని.. జూన్ 9న నిశ్చితార్థం ఉంటుందని ప్రచారం జరిగింది. ఇది నిజమేనని మెగా ఫ్యాన్స్ ఇప్పటికే ఫిక్సయినప్పటికీ.. అఫిషియల్ కన్ఫర్మేషన్ కోసం వెయిట్ చేస్తున్నారు. కానీ ఎంగేజ్మెంట్ డేట్ దగ్గరకు వచ్చినప్పటికీ అటు వరుణ్ తేజ్ గానీ.. ఇటు లావణ్య త్రిపాఠి గానీ ఇంతవరకు స్పందించలేదు. ఫిలిం ఇండస్ట్రీలో చక్కర్లు కొడుతున్న ఈ వార్తలపై మెగా ఫ్యామిలీ కూడా రియాక్ట్ కాలేదు. దీంతో అసలు ఎంగేజ్మెంట్ ఉంటుందా? లేదా? అనే సందిగ్ధత ఫ్యాన్స్లో పెరిగిపోయింది. ఈ క్రమంలో మెగా టీమ్ నుంచి ఒక క్లారిటీ వచ్చింది. మెగా ఫ్యామిలీకి సన్నిహితుడైన శివచెర్రీ వరుణ్, లావణ్య ఎంగేజ్మెంట్ను కన్ఫార్మ్ చేశాడు.
The moment we’ve been waiting for has arrived🤗❤️
It’s official🕺🏻💃
Hearty congratulations to
𝑴𝒆𝒈𝒂 𝑷𝒓𝒊𝒏𝒄𝒆 @IAmVarunTej & @Itslavanya on getting Engaged on 9th June, 2023 🤩🥳Wishing a lifetime of happiness together✨#VarunTejKonidela #VarunTej #LavanyaTripathi pic.twitter.com/jkcge86JnG
— SivaCherry (@sivacherry9) June 8, 2023
మెగా పవర్స్టార్ రామ్చరణ్ అభిమాన సంఘానికి చెందిన శివ చెర్రీ.. మెగా ఫ్యామిలీకి అత్యంత సన్నిహితుడు. ఇతను గురువారం నాడు వరుణ్తేజ్, లావణ్య త్రిపాఠికి కంగ్రాట్స్ చెబుతూ ఎంగేజ్మెంట్ డేట్ ఉన్న ఒక కార్డును పోస్ట్ చేశాడు. దీంతో ఇది కన్ఫార్మ్ అని మెగా ఫ్యాన్స్ ఫిక్సయిపోయారు. వరుణ్తేజ్, లావణ్య త్రిపాఠి జంటకు శుభాకాంక్షలు చెబుతున్నారు. వీళ్ల ఎంగేజ్మెంట్ గురించి ఇటీవల ఇండియా టుడే కూడా ఒక కథనం ప్రచురించింది. హైదరాబాద్లోని తమ నివాసంలో లేదా ఓ ఫంక్షన్ హాలులో వీరి నిశ్చితార్థ వేడుక జరగనున్నట్లు తెలిపింది. ఈ ఏడాదిలోనే వీరి వివాహం కూడా ఉంటుందని పేర్కొంది.
రేపు జరగబోయే వరుణ్ తేజ్, లావణ్య త్రిపాఠి ఎంగేజ్మెంట్కు చిరంజీవి, పవన్ కల్యాణ్, రామ్ చరణ్, ఉపాసన, సాయిధరమ్ తేజ్, అల్లు శిరీష్, సుష్మిత, శ్రీజ సహా కొణిదెల కుటుంబం అంతా హాజరుకానున్నట్లు తెలుస్తోంది. అల్లు అర్జున్ కుటుంబం కూడా ఈ వేడుకకు హాజరయ్యే అవకాశం ఉందని సమాచారం.
Anupama Parameswaran | అనుపమ సూపర్ హాట్ షో.. రూట్ మార్చేసిన కేరళ కుట్టి.. ఈసారైనా కలిసొచ్చేనా?