Filmfare Award | ఫిల్మ్‌ఫేర్‌ అవార్డులపై నసీరుద్దీన్‌ షా వివాదాస్పద వ్యాఖ్యలు.. బాలీవుడ్‌ ప్రముఖల ఆగ్రహం

Film fare Award | బాలీవుడ్‌ సీనియర్‌ నటుడు నసీరుద్దీన్‌ షా ఇటీవల ఫిల్మ్‌ఫేర్‌ అవార్డులపై కీలక వ్యాఖ్యలు చేశారు. ఫిల్మ్‌ఫేర్‌ అవార్డుకు ఎలాంటి ప్రాధాన్యత లేదని, అవార్డును తన వాష్‌రూమ్‌ హ్యాండిల్‌పై వేలాడదీశానంటూ వ్యాఖ్యానించారు.

Film fare Award | బాలీవుడ్‌ సీనియర్‌ నటుడు నసీరుద్దీన్‌ షా ఇటీవల ఫిల్మ్‌ఫేర్‌ అవార్డులపై కీలక వ్యాఖ్యలు చేశారు. ఫిల్మ్‌ఫేర్‌ అవార్డుకు ఎలాంటి ప్రాధాన్యత లేదని, అవార్డును తన వాష్‌రూమ్‌ హ్యాండిల్‌పై వేలాడదీశానంటూ వ్యాఖ్యానించారు. గత కొన్ని దశాబ్దాలుగా భారతీయ చిత్ర పరిశ్రమలో ఫిల్మ్‌ఫేర్‌ అవార్డుకు ప్రతిష్టాత్మకంగా భావిస్తుంటారు.

ఈ క్రమంలో నసీరుద్దీన్‌ షా చేసిన వ్యాఖ్యలపై అభిమానులతో పాటు సినీరంగానికి చెందిన ప్రముఖులు సైతం ఆగ్రహం వ్యక్తం చేస్తున్నారు. బాలీవుడ్‌ నటుడు మనోజ్‌ బాజ్‌పేయితో పాటు సుభాఘ్‌ ఘాయ్‌ సైతం నసీరుద్దీన్‌ షాపై విమర్శలు గుప్పించారు. మనోజ్‌ బాజ్‌పేయి స్పందిస్తూ ఫిల్మ్‌ఫేర్ తనకు ఎప్పుడూ ఒక కల లాంటిదని, తాను ఫిల్మ్‌ఫేర్ చూస్తూ పెరిగానని, దాన్ని చూసి ఆనందించానని తెలిపాడు. ఫిల్మ్‌ఫేర్ అవార్డు సాధించడం, దాని ద్వారా వచ్చే హోదా అనుభవించడం ఓ గొప్ప సందర్భమని పేర్కొన్నారు.

సుభాష్‌ ఘాయ్‌ సైతం నసీరుద్దీన్‌ షాపై ఆగ్రహం వ్యక్తం చేశారు. ఫిల్మ్‌ఫేర్‌లో నామినేషన్‌కు ఎంపికవడం గర్వించదగ్గ విషయమని, అది ప్రతిష్టాత్మకమైన అవార్డు అని తెలిపారు. మనకు ఏ అవార్డు వచ్చినా, అది మన గౌరవార్థం ఇస్తున్నదేనని.. వాటిని అగౌరవపరచకూడదన్నారు. తాను అవార్డుకు చాలాసార్లు నామినేట్‌ అయ్యాయని, కానీ మూడుసార్లు మాత్రమే అందుకున్నానన్నారు. అందుకే ఇందులో నామినేషన్ సైతం గెలుపుతో సమానమన్నారు.