టాలీవుడ్, బాలీవుడ్ తారలను ఒక్క దగ్గరికి చేర్చిన బిగ్‌బాస్‌

December 19, 2021 / 09:21 PM IST

BB Telugu Grand finale | ఐదేళ్ల ముందు వరకు ఇండియన్ సినిమాలో చాలా ఇండస్ట్రీలు ఉండేది. బాలీవుడ్, టాలీవుడ్, కోలీవుడ్ అంటూ ఇలా ఎవరికి వాళ్లు వేరు వేరుగా ఉండేవాళ్లు. అందరి కంటే పైన బాలీవుడ్ ఆ తర్వాత తెలుగు ఇండస్ట్రీ ఉండేది. కానీ ఒకే ఒక్క సినిమా అందరినీ ఒకే తాటిపైకి తీసుకొచ్చింది. అదే రాజమౌళి దర్శకత్వంలో వచ్చిన బాహుబలి. 2015లో విడుదలైన ఈ సినిమా సంచలన విజయం సాధించింది. రెండో భాగం కూడా ఏకంగా రూ.1300 కోట్లు వసూలు చేసి అనితర సాధ్యమైన రికార్డులు సెట్ చేసింది. కేజీఎఫ్ కూడా ఇదే చేసి ఇండస్ట్రీలన్నీ ఒకటే అనే సత్యం చూపించింది.

ఇదిలా ఉంటే తాజాగా బిగ్‌బాస్ షోలో కూడా ఇదే జరిగింది. బాలీవుడ్, టాలీవుడ్ అనే సంబంధం లేకుండా అందరినీ కలిపేశాడు బిగ్ బాస్. సీజన్ 5 ఫినాలే కోసం బాలీవుడ్ సెలబ్రెటీలు కదిలివచ్చారు. ఇప్పటి వరకు తెలుగు బుల్లితెరపై ఎప్పుడూ జరగని విధంగా బాలీవుడ్ స్టార్ రణబీర్ కపూర్, ఆలియా భట్ కలిసి ఫినాలేకు ముఖ్య అతిథులుగా వచ్చారు. ఈ ఇద్దరూ జంటగా నటిస్తున్న బ్రహ్మాస్త్రం సినిమా ప్రమోషన్ కోసం వాళ్లు బిగ్ బాస్ షో కు వచ్చారు. ఈ సినిమాలో నాగార్జున కూడా కీలక పాత్రలో నటిస్తుండటం విశేషం. ఈ సినిమా సౌత్ వెర్షన్ రాజమౌళి సమర్పణలో వస్తుంది. అలాగే బాలీవుడ్ దర్శకుడు అయాన్ ముఖర్జీ కూడా ఈ షోకు వచ్చాడు.

మరోవైపు రాజమౌళి కూడా బాలీవుడ్ దర్శక నిర్మాతలను బాగా ఆకర్షిస్తున్నాడు. అక్కడి సినిమాలను ఇక్కడ తీసుకొచ్చి ప్రమోషన్ చేస్తున్నాడు. దానికోసం బిగ్‌బాస్‌ స్టేజ్ వాడుకున్నాడు. మొత్తానికి ఈ సారి బిగ్ బాస్ ఫినాలే స్టేజి భాషా భేదం లేకుండా సినిమా బారియర్స్ తొలగించి బాలీవుడ్, టాలీవుడ్ స్టార్స్‌ను ఒక చోట కలిగింది. అది చూసి అభిమానులు పండగ చేసుకుంటున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి