Ram Charan | జీ20 సదస్సులో పాల్గొననున్న రామ్‌ చరణ్‌.. శ్రీనగర్‌ బయలుదేరి వెళ్లిన మెగా హీరో

Ram Charan | శ్రీనగర్‌లో జరగనున్న జీ20 సదస్సు (G20 Summit)లో టాలీవుడ్‌ (Tollywood) మెగా హీరో రామ్‌ చరణ్‌ (Ram Charan ) పాల్గొననున్నారు. ఇందుకోసం చరణ్‌ ఇప్పటికే శ్రీనగర్‌ బయలుదేరి వెళ్లారు. ఈ ఉదయం హైదరాబాద్‌ (Hyderabad) లోని శంషాబాద్ ఎయిర్‌పోర్టులో కెమెరా కంటికి చిక్కారు.

Ram Charan | శ్రీనగర్‌లో జరగనున్న జీ20 సదస్సు (G20 Summit)లో టాలీవుడ్‌ (Tollywood) మెగా హీరో రామ్‌ చరణ్‌ (Ram Charan ) పాల్గొననున్నారు. ఇందుకోసం చరణ్‌ ఇప్పటికే శ్రీనగర్‌ బయలుదేరి వెళ్లారు. ఈ ఉదయం హైదరాబాద్‌ (Hyderabad) లోని శంషాబాద్ ఎయిర్‌పోర్టులో కెమెరా కంటికి చిక్కారు. క్యాప్ ధరించి.. బ్లాక్ షర్ట్, క్రీమ్ కలర్ ప్యాంట్‌లో ఎయిర్‌పోర్టులో దర్శనమిచ్చారు.

టూరిజం వర్కింగ్ గ్రూప్ మీట్‌లో అంతర్జాతీయ ప్రతినిధులతో చరణ్‌ భేటీ అవుతారని తెలుస్తోంది.
సమ్మిట్‌లో ఫిల్మ్ టూరిజం ఫర్ ఎకనామిక్ గ్రోత్ అండ్ కల్చరల్ ప్రిజర్వేషన్‌పై వివిధ దేశాల నుంచి వచ్చిన
సెలబ్రెటీలు చర్చించనున్నారు. ఈ చర్చలో భారత్‌ నుంచి చరణ్‌ ప్రాతినిధ్యం వహించనున్నట్లు సమాచారం. కాగా, చలనచిత్ర పరిశ్రమ నుంచి ఓ నటుడు ఇలాంటి ప్రతిష్టాత్మక కార్యక్రమాలకు హాజరుకావడం ఇదే తొలిసారి. వివిధ దేశాలకు చెందిన గ్లోబల్ లీడర్‌లను ఒకచోట చేర్చే అంతర్జాతీయ వేదిక జీ20 సమ్మిట్‌లో పాల్గొన్న తొలి భారతీయ నటుడిగా చరణ్‌ చరిత్ర సృష్టించనున్నాడు.

Man of the masses @AlwaysRamCharan arrives at the airport in all style while he sets off to Srinagar for the G20 summit#GlobalStarRamCharan #RamCharan #ManOfMassesRamCharan #GameChangerRamCharan pic.twitter.com/eCESj607bP

— SivaCherry (@sivacherry9) May 22, 2023

జమ్ముకశ్మీర్‌లోని శ్రీనగర్‌లో (Srinagar) పర్యాటక రంగంపై జీ20 (G20 Summit) వర్కింగ్‌ గ్రూప్‌
సమావేశాలు సోమవారం నుంచి జరుగనున్నాయి. నేటి నుంచి మూడు రోజులపాటు ఈ సమావేశాలను
నిర్వహిస్తారు. మొత్తం 60 మందికిపైగా విదేశీ ప్రతినిధులు హాజరుకానున్నారు. ఈనేపథ్యంలో నగరంలో
భద్రతను కట్టుదిట్టం చేశారు. జమ్ముకశ్మీర్‌కు 370 ఆర్టికల్‌ (Article 370) రద్దు చేసి రాష్ట్ర హోదాను
తొలగించిన తర్వాత అంతర్జాతీయ కార్యక్రమానికి శ్రీనగర్‌ ఆథిత్యం ఇవ్వడం ఇదే మొదటిసారి. శ్రీనగర్‌లోని
దాల్‌ సరస్సుతోపాటు సమావేశానికి వేదిక అయిన షేర్-ఏ-కశ్మీర్ ఇంటర్నేషనల్ కన్వెన్షన్ సెంటర్‌కు వెళ్లే
రహదారుల్లో భారీ భద్రత ఏర్పాటు చేశారు. పారామిలిటరీ బలగాలు, ఎన్‌ఎస్జీ కమాండోలు, పోలీసులు
మోహరించారు. ఆ ప్రాంతాన్ని పూర్తిగా తమ ఆదీనంలోకి తీసుకున్నారు.

𝐆𝐋𝐎𝐁𝐀𝐋 𝐒𝐓𝐀𝐑 𝐑𝐀𝐌 𝐂𝐇𝐀𝐑𝐀𝐍 ❤️‍🔥

"Acclaimed Actor Who Really Brought Laurels to the Country" 🇮🇳#G20Summit Will be Having @AlwaysRamCharan garu Representing Indian Cinema on Global Platforms 🙏🏻#GlobalStarRamCharan 🦁👑 pic.twitter.com/aYnMlwinJx

— SivaCherry (@sivacherry9) May 22, 2023

Also Read..

Chidambaram | నల్లధనం మార్చుకునేవారికి మోదీ ప్రభుత్వం రెడ్‌ కార్పెట్‌తో స్వాగతం పలుకుతోంది : చిదంబరం

Arvind Kejriwal | ఆప్‌ మేనిఫెస్టోతోనే కర్ణాటకలో కాంగ్రెస్‌ విజయం : అరవింద్‌ కేజ్రీవాల్‌

Virat Kohli | ఐపీఎల్‌ నుంచి ఆర్సీబీ ఔట్‌.. కన్నీళ్లు పెట్టుకున్న కోహ్లీ.. పిక్‌ వైరల్‌