హిట్ 2 అందుకే వదిలేశా.. అసలు కారణం చెప్పిన విశ్వక్ సేన్‌

సాధారణంగా ఒక సినిమా హిట్ అయిన తర్వాత దానికి సీక్వెల్ తీస్తే అందులో కూడా అదే హీరో ఉంటాడు. కానీ ఇప్పుడు నాని మాత్రం హిట్ సినిమా సీక్వెల్ కోసం విశ్వక్ సేన్ ను కాదని అడవి శేష్ ను తీసుకున్నాడు.

March 28, 2021 / 09:42 PM IST

హిట్ 2 అందుకే వదిలేశా.. అసలు కారణం చెప్పిన విశ్వక్ సేన్‌

సాధారణంగా ఒక సినిమా హిట్ అయిన తర్వాత దానికి సీక్వెల్ తీస్తే అందులో కూడా అదే హీరో ఉంటాడు. కానీ ఇప్పుడు నాని మాత్రం హిట్ సినిమా సీక్వెల్ కోసం విశ్వక్ సేన్ ను కాదని అడవి శేష్ ను తీసుకున్నాడు. ఈ సినిమాను విశ్వక్ కావాలని వదిలేశాడంటూ సోషల్ మీడియాలో ప్రచారం మొదలైంది. మరొకటి విశ్వక్ సేన్ ప్రస్తుతం పాగల్ సినిమాలో హీరోగా నటిస్తున్నాడు. ఈ సినిమాను నరేష్ కుప్పిలి తెరకెక్కిస్తున్నాడు. ఏప్రిల్ 30న థియేటర్స్ లోకి రానుంది పాగల్. ఇందులో విశ్వక్ సేన్ సరసన నివేథా పేతురాజ్ కథానాయకగా నటిస్తోంది.
శ్రీ వెంకటేశ్వర క్రియేషన్స్ పతాకంపై దిల్ రాజు సమర్పణలో బెక్కం వేణుగోపాల్ పాగల్ చిత్రాన్ని నిర్మిస్తున్నారు. అర్జున్ రెడ్డి ఫేమ్ రాధన్ సంగీతం అందిస్తున్నాడు. ఈ సినిమాలో మురళి శర్మ, రాహుల్ రామకృష్ణ కీలక పాత్రలు పోషిస్తున్నారు. ఇదిలా ఉంటే ఈ సినిమా ప్రమోషన్ లో భాగంగా తాను హిట్ సినిమా సీక్వెల్ లో ఎందుకు నటించడం లేదని చెప్పాడు విశ్వక్‌ సేన్‌.

శైలేష్‌ కొలను తెరకెక్కించిన ఈ సినిమాను నేచురల్‌ స్టార్‌ నాని నిర్మించాడు. ‘హిట్‌2’ కథ కూడా ముందు విశ్వక్ దగ్గరికి వచ్చింది. అయితే డేట్స్‌ సర్దుబాటు కాలేదని చెప్పుకొచ్చాడు ఈ హీరో. ఈ సినిమా మిస్ చేసుకోవడం నిజంగా బాధగా ఉందని చెప్పాడు విశ్వక్.
ప్రస్తుతం మూడు సినిమాలు చేతిలో ఉన్నాయని.. అందుకే హిట్ సీక్వెల్ లో నటించడం లేదని క్లారిటీ ఇచ్చాడు. అలాగే’ఫలక్‌నుమా దాస్‌’ సీక్వెల్‌కు కూడా ప్లాన్‌ చేస్తున్నామని విశ్వక్ తెలిపాడు. ‘ప్రాజెక్టు గామీ’ అనే చిత్రం పోస్ట్ ప్రొడక్షన్ పనులు జరుగుతున్నాయని చెప్పుకొచ్చాడు. అలాగే పీవీపీ సంస్థలో, బీవీఎన్‌ ప్రసాద్‌ నిర్మాణంలో రెండు సినిమాలు చేస్తున్నట్లు చెప్పాడు విశ్వక్. అందుకే హిట్ సీక్వెల్ వదిలేశాను అంటున్నాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి