18 ఏళ్ల గంగోత్రి.. ఎమోష‌న‌ల్ అయిన అల్లు అర్జున్

స్టైలిష్ స్టార్ అల్లు అర్జున్ తొలి చిత్రంగా, ద‌ర్శ‌కేంద్రుడు రాఘ‌వేంద్ర‌రావు వందో మూవీగా తెర‌కెక్కి బాక్సాఫీస్ ద‌గ్గ‌ర మంచి విజ‌యం సాధించిన సాంఘిక తెలుగు సినిమా గంగోత్రి. ఆర్తీ అగర్వాల్ చెల్లెలైన అదితి అగర్వాల్ ఈ చిత్రం ద్వారా తెలుగు సినీరంగానికి పరిచయం అయింది. ఈ సినిమాకి గాను అల్లు అర్జున్ కి తన చేతుల మీదుగా వంద రూపాయల రెమ్యునరేషన్ ఇచ్చారట రాఘవేంద్రరావు. ఈ విష‌యాన్ని ఆ మ‌ధ్య ఓ ఇంట‌ర్వ్యూలో చెప్పుకొచ్చాడు రాఘ‌వేంద్ర‌రావు.

గంగోత్రి చిత్రం మార్చి 28,2003న విడుద‌ల కాగా, నేటితో ఈ చిత్రం విడుద‌లై 18 ఏళ్లు అయింది. ఈ సంద‌ర్భంగా అల్లు అర్జున్ ట్వీట్ చేశారు. నా తొలి చిత్రం విడుద‌లై నేటితో 18 ఏళ్లు అయింది. నా 18 ఏళ్ల జ‌ర్నీలో నాతో క‌లిసి పని చేసిన ప్ర‌తి ఒక్క‌రికి ధ‌న్య‌వాదాలు తెలియ‌జేస్తున్నాను. కృత‌జ్ఞ‌తాభావంతో నా హృద‌యం నిండిపోయింది. ఇన్నాళ్లుగా మీరు చూపిస్తున్న ఈ ప్రేమ‌కు నేను ధ‌న్యుడిని అంటూ బ‌న్నీ త‌న ట్వీట్‌లో పేర్కొన్నారు. ప్ర‌స్తుతం అల్లు అర్జున్.. పుష్ప సినిమాతో బిజీగా ఉన్నాడు.