డిసెంబ‌ర్‌క‌ల్లా రూ.60 వేల‌కు బంగారం?!

డిసెంబ‌ర్‌క‌ల్లా రూ.60 వేల‌కు బంగారం?!| బంగారం అంటే భార‌తీయ వ‌నిత‌ల‌కు ఎంతో ప్రీతి.. క‌రోనాతో గ‌తేడాది ఆల్‌టైం రికార్డు ధ‌ర నెల‌కొల్పిన బంగారం ధ‌ర‌లు ఈ ...

June 5, 2021 / 06:17 PM IST

న్యూఢిల్లీ: బంగారం అంటే భార‌తీయ వ‌నిత‌ల‌కు ఎంతో ప్రీతి.. క‌రోనాతో గ‌తేడాది ఆల్‌టైం రికార్డు ధ‌ర నెల‌కొల్పిన బంగారం ధ‌ర‌లు ఈ వారం స్వ‌ల్పంగా త‌గ్గాయి. ఈ వారం ప‌ది గ్రాముల బంగారం ధ‌ర రూ.76 త‌గ్గి రూ.48,578కి చేరుకున్న‌ది. గ‌త నెల 31వ తేదీన బులియ‌న్ మార్కెట్‌లో తులం బంగారం రూ.48,654 ప‌లుకుతున్న‌ది. క‌నుక బంగారం కొనుగోళ్లు చేయాల‌ని భావించే వారికి ఇదే స‌రైన స‌మ‌యం అని విశ్లేష‌కులు అభిప్రాయ ప‌డుతున్నారు.

గ‌తేడాది ఆగ‌స్టులో ఆల్‌టైం రికార్డు

గ‌తేడాది ఆగ‌స్టులో ఆల్‌టైం రికార్డు న‌మోదు చేసిన తులం బంగారం ధ‌ర రూ.56,200కు చేరుకున్న‌ది. దీంతో పోలిస్తే బంగారం ధ‌ర రూ.7,622 త‌గ్గిపోయింది. కిలో వెండి ధ‌ర రూ.1000కి పైగా త‌గ్గింది.

కిలో వెండి ధ‌ర కూడా రూ.333 కూడా త‌గ్గింది. గ‌త వారం రూ.333 త‌గ్గి కిలో వెండి ధ‌ర రూ.70,167కి చేరుకున్న‌ది. గ‌త నెల 28వ తేదీన కిలో వెండి ధ‌ర రూ.70,500గా రికార్డైంది. ఈ నెల‌లో ఒకానొక ద‌శ‌లో కిలో వెండి ధ‌ర రూ.73 వేలు ప‌లికింది.

గ్లోబ‌ల్ మార్కెట్‌లో బంగారం ఇలా

అంత‌ర్జాతీయ మార్కెట్‌లో ఔన్స్ బంగారం ధ‌ర 1,891 డాల‌ర్లుగా ఉంది. మే నెల 28వ తేదీన ఔన్స్ బంగారం ధ‌ర 1904 డాల‌ర్లుగా న‌మోదైంది. మున్ముందు ఔన్స్ బంగారం ధ‌ర 2000 డాల‌ర్ల చేరువ‌కు చేరుకుంటుంద‌ని అంచ‌నా.

2-3 నెల‌ల్లోనే రూ.50వేల‌కు..

ప‌రిస్థితులు ఇలాగే కొన‌సాగితే 2-3 నెల‌ల్లో దేశీయ మార్కెట్‌లో తులం బంగారం ధ‌ర రూ.48,000-50,000 మ‌ధ్య చేరుకుంటుంద‌ని రుంగ్టా సెక్యూరిటీస్ ఫైనాన్సియ‌ల్ ప్లాన‌ర్ హ‌ర్ష్‌వ‌ర్ధ‌న్ రుంగ్టా వ్యాఖ్యానించారు.

మార్కెట్ల‌లో స్థిరీక‌ర‌ణ కొన‌సాగుతుండ‌టంతో ఇన్వెస్ట‌ర్లు స్టాక్ మార్కెట్ల వైపు మ‌ళ్లుతున్నారు. దీన్ని బట్టి బంగారం కొనుగోళ్లు కూడా పెరుగుతాయ‌ని అంచ‌నా వేస్తున్నారు.

క‌రోనా వ‌ల్లే బంగారం ధ‌ర పైపైకి..

ఈ ఏడాది చివ‌రిక‌ల్లా తులం బంగారం ధ‌ర రూ.57వేల మార్క్‌కు చేరుతుంద‌ని ఇండియ‌న్ బులియ‌న్ అండ్ జ్యువెల్ల‌ర్స్ అసోసియేష‌న్ కార్య‌ద‌ర్శి సురేంద్ర మెహ‌తా తెలిపారు.

మేలో మ‌రింత ప్రియంగా ప‌సిడి

మే నెల‌లో బంగారం మ‌రింత ప్రియంగా మారింది. గ‌త నెల‌లో తులం బంగారం ధ‌ర రూ.2,241 పెరిగింది. ఏప్రిల్ 30న రూ.46,791గా ఉన్న తులం బంగారం ధ‌ర, గ‌త నెల 31న రూ.49,032కు చేరుకున్న‌ది. కిలో వెండి ధ‌ర ఏప్రిల్ 30న 67,800 ప‌లికితే, గ‌త నెల 31న రూ.71,350ల‌కు దూసుకెళ్లింది.