భార‌త్ ఫారెక్స్ నిల్వ‌లు.. ఎంత పెరిగాయంటే..!!

భార‌త్ ఫారెక్స్ నిల్వ‌లు.. ఎంత పెరిగాయంటే..!!| జూలై రెండో తేదీతో ముగిసిన వారానికి విదేశీ మార‌క ద్ర‌వ్యం (ఫారెక్స్‌) నిల్వ‌లు 1.013 బిలియ‌న్ల డాల‌ర్ల‌కు...

July 10, 2021 / 12:16 AM IST

ముంబై: జూలై రెండో తేదీతో ముగిసిన వారానికి విదేశీ మార‌క ద్ర‌వ్యం (ఫారెక్స్‌) నిల్వ‌లు 1.013 బిలియ‌న్ల డాల‌ర్ల‌కు పెరిగాయి. దీంతో దేశీయ ఫారెక్స్ నిల్వ‌లు 610.012 బిలియ‌న్ల డాల‌ర్ల‌కు చేరుకున్నాయ‌ని శుక్ర‌వారం ఆర్బీఐ వెల్ల‌డించిన డేటా పేర్కొంది. గ‌త నెల 25వ తేదీతో ముగిసిన వారానికి 5.066 బిలియ‌న్ల డాల‌ర్లు పెరిగి 608.999 బిలియ‌న్ల‌కు చేరుకుంది.

ఈ వారంలో ఫారిన్ క‌రెన్సీ అసెట్స్ పెర‌గ‌డం వ‌ల్లే ఫారెక్స్ నిల్వ‌లు పెరిగాయి. ఎఫ్‌సీఏ నిల్వ‌లు 748 మిలియ‌న్ల డాల‌ర్లు పెరిగి 566.988 బిలియ‌న్ల డాల‌ర్ల‌కు పెరిగాయ‌ని ఆర్బీఐ డేటా తెలిపింది.

బంగారం నిల్వ‌లు 76 మిలియ‌న్ల డాల‌ర్లు పెరిగి 36.372 బిలియ‌న్ల డాల‌ర్ల‌కు చేరుకుంది. అంత‌ర్జాతీయ ద్ర‌వ్య‌నిధి సంస్థ (ఐఎంఎఫ్‌)తో స్పెష‌ల్ డ్రాయింగ్ రైట్స్ (ఎస్‌డీఆర్స్‌) 49 మిలియ‌న్ డాల‌ర్లు పెరిగి 1.548 బిలియ‌న్ల డాల‌ర్ల వ‌ద్ద స్థిర ప‌డ్డాయి. ఐఎంఎఫ్‌తో భార‌త రిజ‌ర్వు నిల్వ‌లు 139 మిలియ‌న్ల డాల‌ర్లు పెరిగి 5.105 బిలియ‌న్ల డాల‌ర్ల‌కు చేరాయి.