Audi Cars Price Hike | మారుతి బాట‌లోనే ఆడి.. 3% ధ‌ర‌లు పెంపు!

Audi Cars Price Hike | జ‌ర్మ‌నీ కార్ల దిగ్గ‌జం ఆడి .. ఇన్‌పుట్‌, ఆప‌రేష‌న‌ల్ కాస్ట్ పెర‌గ‌డంతో త‌మ కార్ల ధ‌ర‌లు 3% పెంచుతున్న‌ట్లు తెలిపింది.

December 2, 2021 / 07:58 PM IST

Audi Cars Price Hike | మారుతి బాట‌లోనే ఆడి.. 3% ధ‌ర‌లు పెంపు!

Audi Cars Price Hike | ఇన్‌పుట్ కాస్ట్ పెరిగిందంటూ మ‌రోద‌ఫా కార్ల ధ‌ర‌లు పెంచేందుకు కార్ల త‌యారీ సంస్థ‌లు సిద్ధం అయ్యాయి. జర్మ‌నీ ల‌గ్జ‌రీ కార్ల త‌యారీ సంస్థ ఆడి వ‌చ్చే జ‌న‌వ‌రి నుంచి అన్ని మోడ‌ల్ కార్ల‌పై మూడు శాతం వ‌ర‌కు ధ‌ర‌లు పెంచ‌నున్న‌ట్లు గురువారం ప్ర‌క‌టించింది. ఇన్‌పుట్, ఆప‌రేష‌న‌ల్ కాస్ట్ పెర‌గ‌డంతో ధ‌ర‌లు పెంచ‌క త‌ప్పడం లేదంటూ వ్యాఖ్యానించింది.

భార‌త్‌లో ఏ4, ఏ6, ఏ8 ఎల్‌, క్యూ2, క్యూ8, ఎస్‌5 స్పోర్ట్‌బ్యాక్‌, ఆర్ఎస్ 5 స్పోర్ట్ బ్యాక్‌, ఆర్ఎస్ 7, ఆర్ఎస్ క్యూ8, ఈ-ట్రాన్ 50, ఈ-ట్రాన్ 55, ఈ-ట్రాన్ స్పోర్ట్ బ్యాక్ 55, ఈ-ట్రాన్ జీటీ, ఆర్ఎస్ ఈ-ట్రాన్ జీటీ మోడ‌ల్ కార్ల‌ను విక్ర‌యిస్తోంది. సుస్థిర వ్యాపార న‌మూనాపైనే ఆడి ఇండియా వ్యూహం దృష్టి పెట్టింద‌ని, కానీ ఇన్‌పుట్‌, ఆప‌రేష‌న‌ల్ కాస్ట్స్ పెరిగిపోవ‌డంతో ధ‌ర‌ల పెంచ‌క త‌ప్ప‌డం లేద‌ని వ్యాఖ్యానించింది.

ఎంపిక చేసిన మోడ‌ల్ కార్ల‌పై నూత‌న ధ‌ర‌లు ప్ర‌క‌టిస్తామ‌ని ఆడి ఇండియా హెడ్ బ‌ల్బీర్ సింగ్ ధిల్లాన్ ఓ ప్ర‌క‌ట‌న‌లో తెలిపారు. ఈ ఏడాది ఆడి ఇండియా దేశంలో తొమ్మిది నూత‌న మోడ‌ల్ కార్ల‌ను ఆవిష్క‌రించింది. వాటిలో ఐదు విద్యుత్ కార్లే కావ‌డం గ‌మ‌నార్హం. ఇదిలా ఉంటే, ఇప్ప‌టికే మారుతి సుజుకి వ‌చ్చేనెల మొద‌టి నుంచి త‌మ కార్ల ధ‌ర‌లు పెరుగ‌నున్నాయ‌ని గురువారం రెగ్యులేట‌రీ ఫైలింగ్‌లో తెలిపింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి