అరుదైన‌ రెండు త‌ల‌ల బ‌ల్లిని చూశారా ఎప్పుడైనా?.. ఆశ్చ‌ర్య‌పోతున్న నెటిజ‌న్లు.. వైర‌ల్ వీడియో

రెండు త‌ల‌ల బ‌ల్లి హ‌ల్‌చ‌ల్‌ | ఎట్టెట్టా.. రెండు త‌ల‌ల పామును చూశాం కానీ.. రెండు త‌ల‌ల బ‌ల్లిని మాత్రం ఎప్పుడూ చూడ‌లేదు అంటారా? అయితే మీరు ఖ‌చ్చితంగా ఈ వార్త‌ను చ‌ద‌వాల్సిందే

November 29, 2021 / 07:26 PM IST

అరుదైన‌ రెండు త‌ల‌ల బ‌ల్లిని చూశారా ఎప్పుడైనా?.. ఆశ్చ‌ర్య‌పోతున్న నెటిజ‌న్లు.. వైర‌ల్ వీడియో

ఎట్టెట్టా.. రెండు త‌ల‌ల పామును చూశాం కానీ.. రెండు త‌ల‌ల బ‌ల్లిని మాత్రం ఎప్పుడూ చూడ‌లేదు అంటారా? అయితే మీరు ఖ‌చ్చితంగా ఈ వార్త‌ను చ‌ద‌వాల్సిందే. ఎందుకంటే.. రెండు త‌ల‌ల బ‌ల్లి ఇటీవ‌ల క‌నిపించింది. దాన్ని మొద‌టిసారి చూసిన వాళ్లు కూడా షాక్ అయ్యారు. ఎందుకంటే.. దానికి రెండు త‌ల‌లు ఉండ‌టం. సాధార‌ణంగా మ‌న ఇంట్లో క‌నిపించే బ‌ల్లుల‌కు ఒకే త‌ల ఉంటుంది. కానీ.. విచిత్రంగా ఆ బ‌ల్లికి రెండు త‌ల‌లు ఉండ‌టం ఏంట‌ని అంద‌రూ షాక్ అయ్యారు.

ఆస్ట్రేలియాలోని సోమ‌ర్స్‌బైలో ఉన్న‌ రెప్టైల్ పార్కులోనే ఈ వింత ఘ‌ట‌న చోటు చేసుకుంది. ఆ పార్క్‌లో ఇప్ప‌టి వ‌ర‌కు రెండు త‌ల‌ల పాములు ఉన్నాయి. రెండు త‌ల‌ల షార్క్‌లు ఉన్నాయి కానీ.. రెండు త‌ల‌ల బ‌ల్లి మాత్రం మొద‌టిసారి అక్క‌డికి వ‌చ్చి చేరింది.

ఓ వ్య‌క్తి రెండు త‌ల‌ల బ‌ల్లిని తీసుకొచ్చి పార్క్ సిబ్బందికి అందించాడ‌ట‌. అది అరుదైన జాతికి చెందిన నీలిరంగు నాలిక గ‌ల బ‌ల్లి. అయితే.. దానికి రెండు త‌ల‌లు ఉండ‌టంతో దాన్ని చూసి పార్క్ సిబ్బంది కూడా ఆశ్చ‌ర్య‌పోయారు. దానికి ల‌క్కీ అని పేరు పెట్టి.. సంద‌ర్శ‌కుల కోసం పార్క్‌లో ఉంచారు.

కాలిఫోర్నియాకు చెందిన రెప్టైల్ జూ ఓన‌ర్ జే బ్రీవ‌ర్ ఆ రెండు త‌ల‌ల బ‌ల్లికి సంబంధించిన వీడియోను త‌న ఇన్‌స్టాగ్రామ్ అకౌంట్‌లో షేర్ చేశాడు. దీంతో ఆ వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. రెండు త‌ల‌ల బ‌ల్లిని చూసిన నెటిజ‌న్లు.. ఇదేంద‌య్యా ఇది.. ఇటువంటి బ‌ల్లిని ఇప్ప‌టి వ‌ర‌కు చూడ‌లేదు అంటూ కామెంట్లు చేస్తున్నారు.

https://www.instagram.com/p/CWqbLWzJPrX/

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి