Bheemadevarapally | ఉపాధి కూలీలకు ఓఆర్ఎస్ ప్యాకెట్లు.. వేకువ జామునే పనులు చేసుకోవాలన్న మెడికల్‌ ఆఫీసర్‌

హనుమకొండ జిల్లా భీమదేవరపల్లి మండలం రాంనగర్ గ్రామంలో జాతీయ గ్రామీణ ఉపాధి హామీ పథకం కింద పనిచేస్తున్న కూలీలకు శనివారం వంగర ప్రభుత్వ వైద్య సిబ్బంది ఓఆర్ఎస్ ప్యాకెట్లు పంపిణీ చేశారు.

భీమదేవరపల్లి, మార్చి 29: హనుమకొండ జిల్లా భీమదేవరపల్లి మండలం రాంనగర్ గ్రామంలో జాతీయ గ్రామీణ ఉపాధి హామీ పథకం కింద పనిచేస్తున్న కూలీలకు శనివారం వంగర ప్రభుత్వ వైద్య సిబ్బంది ఓఆర్ఎస్ ప్యాకెట్లు పంపిణీ చేశారు. ఈ సందర్భంగా ప్రభుత్వ వైద్యాధికారిణి రుబీనా మాట్లాడుతూ వేకువ జామునే పనులు చేసుకోవాలని కూలీలకు సూచించారు. ఎండ వేడిమి పడకుండా ఎప్పటికప్పుడు తగు జాగ్రత్తలు పాటించాలన్నారు. తరచూ నీరు తాగాలని, ఎండ దెబ్బ తగలకుండా జాగ్రత్తలు తీసుకోవాలని చెప్పారు. ఈ కార్యక్రమంలో ఏఎన్ఎం గాజుల స్వరూప, ఆశా కార్యకర్త బొంకూరి అన్నపూర్ణ, ఫీల్డ్ అసిస్టెంట్ వేణు, ఉపాధి కూలీలు పాల్గొన్నారు.